Киир

Киир

Бүрээтийэттэн ынах этэ, ахсынньыга «Таас-Үрэх-Верхнемарково» кыһыҥҥы суол арыллаатын кытары, кэлитэлээн барбыта. Бүтүн фураларынан. Куорат ырыынагын таһырдьатааҥҥы эрээттэригэр маннык эт тобус-толору.

Мииринэйдэр, Бүрээтийэттэн аҕалыллыбыт ынах этин сыаната чэпчэкитин иһин, хамаҕатык атыылаһаллар. Биир киилэ ынах этэ – 450 солк. Быартан оҥоһуллубут халбаһы – 550 солк, быар – 300 солк.

Оттон Саха сирин улуустарыттан Мииринэйгэ, бэл, убаһа этэ аҕалыллыбат буолла. Убаһа этин тоҕо Мииринэйгэ аҕалбаккыт диэтэххэ, сунтаардар бэйэбит улууспутугар тиистэхпитинэ баһыыба диэн эппиэттээхтэр. Ол курдук, тыа нэһилиэктэрин көһүүтүн суотугар нэһилиэнньэтэ кыра куорат тэҥэ буолбут Сунтаар(уон биир тыһыынча кэриҥэ киһи) сылгы этин төрүт хаалларбат. Тыа улууһугар, дьон сүөһү ииппэт буолан эрэрэ, куораттыы усулуобуйаҕа талаһара ырылыччы көстөр.

Онон, Мииринэйгэ, урукку курдук Сунтаартан убаһа этэ кэлэрэ тосту аҕыйаата.    

Станислав Алексеев. Мииринэй куорат.  

Тарҕат:

Санааҕын суруй