Киир

Киир

Сааһыттан тутулуга суох ким баҕарар кырдьаҕастарга, кыамматтарга көмөлөһөр волонтер буолар кыахтаах. Үксүгэр, бу – үлэлэрин быыһыгар соло булан, үтүө дьыалалары оҥорор эдэр дьон.

Кинилэр үлэ күнүн, өрөбүллэри аахсыбакка, кыамматарга көмөҕө кэлэргэ бэлэмнэр. Мииринэй оройуона уон биир тыһыынча биэнсийэлээхтэр уонна инбэлииттэр дойдулара. Олор истэригэр дьиэлэриттэн букатын быкпат (мало-мобильнай) дьон баар. Сорохторго бэйэлээх бэйэлэрин оҕолоро төрүт кыһаллыбаттар. Бу дьонтон сорохторо – алмаасчыттар, геологтар, баабырыка үлэһиттэрэ. Ыарахан үлэҕэ туох баар доруобуйаларын сүтэрбит дьон. Кинилэр соҕуруу көһөр кыахтара суох. Маннык кыаммат дьоҥҥо биир кэмнээх көмө аахсыйата оҥоһуллара – сүрдээх истиҥ быһыы.

Бу кыһыны быһа, волонтердар таһырдьа кыайан тахсар кыаҕа суох кырдьаҕастарга, инбэлииттэргэ бородуукта, дьиэ иһигэр туттуллар мал-сал, эмп-томп тириэрдиитинэн дьарыктаннылар. Кырдьаҕастар, кыамматтар абыраннылар.

Волонтердар улахан ноҕуруускалаах олорор Мииринэй оройуонунааҕы киин балыыһаҕа (МЦРБ) араас хабааннаах көмө оҥордулар. Маннык дьон баара эрэли үөскэтэр. Эһиги сырдык дьулуурдаах үлэҕит уостубатын!

Станислав Алексеев. Мииринэй куората.

Тарҕат:

Санааҕын суруй