Киир

Киир

Өрөспүүбүлүкэтээҕи суһал ыстаап чахчыларынан, олунньу ый 13 күнүн устата, Мииринэй оройуонугар 2.071 киһи ыарыйда. Ыйбыт ортото эрэ буолла. Өссө туох буолар?!

Тэҥнээтэххэ, ааспыт тохсунньу ыйга, барыта 565 киһи хоруона хамсыгынан ыалдьыбыта. Өссө төһөлөөх киһи ыарыытын биллэрбэккэ, ол содулун дьаалайбакка сылдьара буолуой?! Оннуктар манна элбэхтэр. ДЮСШ дьиэтигэр амбулаторнай киин арыллан, сарсыарда аҕыстан киэһэ аҕыска диэри үлэлиир.

Өрөбүл да күннэргэ, амбулаторнай кииҥҥэ, дьон баһаам. Манна кэлэр дьоҥҥо, пааспардаах, снилстаах, омс-таах буолаллара ирдэнэр. Анаалыһы туттарааччылар, бастаан, амбулаторнай киин call-киинигэр эрийэн булгуччу суруйтараллар.

Мииринэй балыыһатын эмчиттэрэ, үлэһит тиийбэт усулуобуйатыгар, алдьархайдаах ноҕурууска күөнүгэр сылдьаллар. Хас да киһи үлэтин биир эмчит толорор.

SAM 1753

Станислав Алексеев. Мииринэй куората. Ааптар хаартыскалара.

Тарҕат:

Санааҕын суруй