Киир

Киир

Сааскы сибиэһэй салгыҥҥа саха төрүт үгэһинэн куйуурдааһын саҕаланан, хас биирдии балыксыт киһи санаата көтөҕүллэр кэмнэрэ үүннүлэр.

Кулун тутар 12 күнүгэр, Мэҥэ Ханалас улууhун Хара нэһилиэгин Арҕаа Куоҥ Харах алааһыгар Саха АССР төрүттэммитэ 100, Хара нэһилиэгэ төрүттэммитэ 385 сылларыгар аналлаах аһаҕас "Куйуур - 2022" күрэхтэһии үөрүүлээх быһыыга майгыга ыытылынна. Бу күрэхтэһии көҕүлээччитинэн нэһилиэк эдэр ыччата, Прокопий Константинович Андреев, Василий Титович Окороков куйуурга үөрэппит-такайбыт уоллара, Пётр Пестряков буолар.

49f42679 22f3 45ae 9baf 5380510f7928

Куйуур күрэҕин Хара нэһилиэгин олохтоох дьаһалтата, "Айыллаан" сынньалан киинэ өйөөннөр, ыытыллыбыта номнуо үһүс сыла. Пётр Пестряков бу күрэҕи үгэскэ кубулутан куйууру сэҥээрээччилэри сыллата түмэр, күрэхтэһиннэрэр баҕалаах. Эдэр киһи өбүгэ үгэһэ сайдарын туһугар үлэлэһэрэ, бэйэтин санаатынан дьону түмэрэ хайҕаллаах суол.

b37729c6 4463 4fcf 8356 050922762685

Алгыс этэн аал уоту арыылаах алаадьынан аһаттылар, нэһилиэк баһылыга Дария Ивановна Назарова эҕэрдэ тыл эттэ. Пётр төрөппүттэрэ Сардаана Гаврильевна, Павел Михайлович Пестряковтар уонна кэргэнэ Наталья Александровна, ону тэҥэ чугас аймахтара күүс-көмө буоланнар бары күрэхтэһээччилэри итии миининэн, бэрэскинэн, минньигэс тордунан күндүлээтилэр.

Быйылгы күрэхтэһиигэ уопсайа 8 хамаанда күөн көрүстүлэр.

d2367972 57d5 4834 ae3d c38bdc22126e

Күрэхтэһии бэрт сэргэхтик, үөрүүлээхтик ыытылынна. Быйылгы күрэх эстафетыгар саҥа сүүрээн киллэрбиттэр. Ол курдук эстафета бастакы кыттааччыта мээчигинэн сыал быраҕан баран, сүүрэн кэлэн, ойбон алларааччыны таарыйда. Бэрт интэриэһинэй, сонун буолла. Күрэх хаамыытын судьуйатынан Дмитрий Николаевич Сидоров үлэлээтэ.

Уопсай түмүккэ "Куйуур 2022" күрэхтэһии кыайыылааҕынан Хаптаҕай нэһилиэгин хамаандата буолла. Иккис миэстэҕэ Табаҕа нэһилиэгэ,  үһүс миэстэҕэ Суола Моорук нэһилиэгин хамаандалара таҕыстылар.

043d34a9 c898 4b92 b56f 591451d8010e

c28cebde fc73 4946 a8bc f45fd4ff2e9f

d1789a25 b012 4b15 a107 d821f98c1444

Маны тэҥэ биирдиилээн абсолютнай ойбону алларыыга күрэх ыытылынна.

f37e69a7 9062 4f03 a6a0 fe52ea567903

40 сааһыгар дылы саастаахтарга икки ойбону алларыыга Лоомтука нэһилиэгиттэн Дьячковскай Н.Д., иккис миэстэ Хаптаҕайтан Никифоров В.М, үһүс миэстэ Майаттан Новгородов Я.С буоллулар. 40 сааһыттан үөһэ биир ойбону алларыыга кыайыылааҕынан Суола Мэлдьэхситтэн Окороков В.Ф. буолла. Иккис миэстэ Хаптаҕайтан Иванов В.Н., үһүс миэстэ Табаҕаттан Марков И.М.  буолары ситистилэр, сыаналаах  бириистэри туттулар.

b59a79ae aad8 454f b643 5e60193e0a51

Күөх Боллох Тойон көмүс хатырыктааҕыттан бэрсэн, күрэхтэһээччилэри үөртэ. Маны ааһан, күрэхтэһээччилэргэ анал ааттар иҥэрилиннилэр: "Бастакы собо" - Новгородов Я.С (Майа), "Улахан собо" - Марков И.М. (Табаҕа), "Кыайыыга дьулуур" - Терентьев В.Г. (Хара), "Эдэр кыттааччы" - Пестряков П.П (Хара),  "Аҕам саастаах" Григорьев И.И. (Рассолода), "Бэргэн ытааччы" Дмитриев И.П (Хаптаҕай). Анал ааты ылбыттарга  бириистэри туттардылар.

2330a36d 41b1 4d5e b6a7 e07b06ad7440

Ити курдук сибиэһэй сааскы салгыҥҥа бэртээхэй куйуур күрэҕэ буолан ааста.

Мусьяна Жиркова
Тарҕат:

Санааҕын суруй