Киир

Киир

Ааспыт өрөбүллэргэ Нерюнгри Иенгра сэлиэнньэтигэр бэлиэтэммит Табаһыт күнүн «Уктывун» бырааһынньыгар көлүллүбүт табанан күрэхтэһии буолла. 36 кыттааччылаах «биир мүнүүтэ иһигэр» уонна уопсай сүүрдүүгэ муҥутуур чөмпүйүөн аатын 25 саастаах  Владимир Максимов сүктэ. Кини «Колмар» хампаанньа туруорбут сүрүн бирииһинэн  – 150 тыһ. харчынан наҕараадаланна.

PHOTO 2022 03 23 17 30 09

Владимир  Иенграҕа төрөөбүт уонна улааппыт. Көмүс хостуур артыалга харабылынан үлэлиир, онтон атын кэмҥэ тайҕаҕа «Золотинка» муниципальнай унитарнай тэрилтэ табаларын ыстаадатын көрөр эбит. Ону таһынан кини бас билэр табалардаах. Таптыыр кыыллара киниэхэ бу күн кыайыы өрөгөйүн аҕаллылар. 

«Кыылларга тапталы эһэм иҥэрбитэ. Табаны хайдах иитэргэ, сүүрдэргэ кини үөрэппитэ. Онон кыайыыбын киниэхэ аныыбын. Бирииспин тус дьыалабын сайыннарарга – ыстаадабар таба атыылаһарга туттуом», - диэн кыайыылаах үөрүүтүн үллэһиннэ.  

 

Тарҕат:

Санааҕын суруй

Бүтэһик сонуннар