Киир

Киир

«Доруобуйа харыстабыла» национальнай бырайыак тосхолунан, Саха сирин тэйиччи сытар нэһилиэнньэлээх пууннарыгар анаан, «УАЗ» мааркалаах 10 массыынаны аҕаллылар.

Саҥа көлөнү Томпо Теплый ключ сэлиэнньэтин,  Булун Күһүүрүн, Мэҥэ Хаҥалас Хаптаҕайын, Сунтаар Кутанатын, Ньурба Маалыкайын амбулаториялара, Үөһээ Бүлүү Далырын уопсай быраактыкалаах бырааһын офиһа, Мииринэй Чернышевскай куоратын балыыһата, Хаҥалас Мохсоҕоллооҕун оҕо поликлиниката, Амма уонна Өлүөхүмэ киин балыыһаларын поликлиникалара туттулар.

СӨ Бырабыыталыстыбатын уонна Ил Дарханын пресс-сулууспата Айсен Николаев бэс ыйыгар суһал уонна паллиативнай көмө сулууспаларыгар 25 массыына күлүүһүн туттарбыта диэн санатан суруйар. Бу сыл бүтүөр диэри Саха сирин мэдисиинэтин тэрилтэлэригэр өссө 53 массыынаны атыылаһар былааннаахтар.

Оттон эһиэхэ балыыһа баар дуо? Баар буоллаҕына, массыынанан хааччыллыылаах дуо?

 Хаартыска: Иван Борисов

Тарҕат:

Санааҕын суруй