Ат успуордун үтүөлээх тириэньэрэ Иннокентий Свинобоев олохтон туораата

Олоҕун сыллара: 20.02.1927 - 24.10.1924

Подробности

Саха АССР ат успуордугар маҥнайгы үтүөлээх тириэньэрэ, Томпо, Мэҥэ-Хаҥалас, Саха Өрөспүүбүлүкэтин Бочуоттаах олохтооҕо Свинобоев Иннокентий Саввич-Тыыннаахап бу дьыл алтынньы 24 күнүгэр 97 сааһыгар уһун ыарахан ыарыы кэннэ биһиги кэккэбититтэн туораата.

Иннокентий Саввич Свинобоев-Тыыннаахап Мөҥүрүөн нэһилиэгэр Мандыгытта алааһыгар күн сирин көрбүтэ. Холкуос кэмиттэн саҕалаан Мэҥэ-Хаҥаласка, Чурапчыга үлэлээбитэ. Кэлин Томпо улууһугар Кириэс Халдьаайыга үлэлии кэлэн баран, дойду оҥостон олохсуйбута. Иннокентий Саввич өр сыллаах сыралаах үлэтэ үрдүктүк бэлиэтэнэн, СӨ тыатын хаһаайыстыбатын үтүөлээх үлэһитэ, Саха Өрөспүүбүлүкэтин, Мэҥэ-Хаҥалас уонна Томпо улуустарын Бочуоттаах олохтооҕо буолбута. 2021 сыллаахха Дьокуускайга Үс Хатыҥҥа өрөспүүбүлүкэ ипподромугар кини аата иҥэриллибитэ.

Быйыл кэргэнин Вера Константиновнаны кытта бииргэ олорбуттара 75 сылын бэлиэтээбиттэрэ. 15 оҕону төрөтөннөр, 40-тан тахса сиэн, 100-тэн тахса хос, хос-хос сиэн удьуордарын уһаталлар.

Күндү тапталлаах аҕабытын, эһээбитин тиһэх суолугар атаарыы Томпо оройуонун Кириэс-Халдьаайы сэлиэнньэтигэр алтынньы 27 күнүгэр буоларын биллэрэбит.

Кэргэнэ, оҕолоро, сиэннэрэ,хос сиэннэрэ, хос-хос сиэннэрэ, аймахтара.