Хой
Ис уонна тас туругу тупсарар инниттэн таптаа, өрүкүй, таҥаскын-сапкын уларыт, саҥаны атыылас. Ким эрэ күһэйэн илдьэрин кэтэспэккэ, бэйэҕин саҥа билсиһиилэргэ арый. Сорох Хойдор айар дьоҕурдара арыллыа. Эр дьон бэйэлэрин хорсун быһыыга холонуохтара, кэрэ аҥаардар көҥүл тыыҥҥа талаһыахтара. Нэдиэлэ бастакы күнүгэр сэниэҕин эспэккэ сырыт.
Өрөбүллэри чугас дьоҥҥун кытта атаар.
Оҕус
Бэнидиэнньиккэ сэниэ суох буолуо. Чэппиэртэн барыга-бары кыттыбытыҥ эрэ баар буолуо. Өрөбүлгүн көхтөөхтүк атаар. Тус олоҕуҥ сабыылаах, иэйииҥ эмиэ кистэнэр. Харчы чааһа иэмэ-дьаама биллибэт. Онон кимиэхэ да иэс биэримэ. Аҕала сатаан атыылаһыма. Туһата эбэтэр үчүгэйэ суоҕу атыылаһан кэбиһэр куттал баар. Уопсайынан, бу нэдиэлэҕэ харчыгын ыскайдаама.
Игирэлэр
Бэнидиэнньик сэргэхтик саҕаламмытын кэннэ, оптуорунньукка уостуоххун сөп. Доҕотторуҥ көмөлөрүнэн түргэнник бэттэх кэлиэҥ. Чэппиэр диэки эмиэ мөлтөөн ылыаҥ эрээри, өрөбүлгэ тиллэн туруоҥ. Эр дьоҥҥо утарсааччы көстөр чинчилээх. Ону холкутук уйуоҥ. Игирэлэр көрбүттэрин эрэ атыылаһа сылдьар нэдиэлэлэрэ. Сүрэҕи харыстыахха наада, ону тэҥэ халтараантан сэрэн.
Араак
Бэнидиэнньик күн өйүҥ сытыырхайар, сэрэдэ күн үлэҕэр баарт күүтэр. Чэппиэргэ күүһүҥ-сэниэҥ эһиннэҕинэ, доҕотторуҥ көмөҕө кэлиэхтэрэ. Өрөбүлгүн чөлгө түһэргэ анаа. Дьиэҕэ түбүгүрэр нэдиэлэҥ. От ыйыгар төрөөбүт Араактарга үлэ чааһыгар табыллыы баар. Сөмөлүөтүнэн көтөрдөөҕөр сиринэн сэрэнэн айанныырыҥ ордук. Доруобуйа атахтаатаҕына, ону болҕомтоҕо ыл.
Хахай
Сынньалаҥҥа, уоппускаҕа, айаҥҥа олус табыгастаах нэдиэлэ. Арай доруобуйаны, массыынаны харыстыыр наада. От ыйын бүтүүтэ, атырдьах ыйын саҥата төрөөбүт Хахайдар, массыынаны аһара түргэнник ыытымаҥ. Салайааччыгын кытта кыыһырсыма. Сорудаҕын “тук” курдук толор. Уопсайынан, бу нэдиэлэҕэ сокуону тутуһарыҥ ордук. Кэрэ аҥаардар, билсиһиигэ болҕомтолоох буолуҥ.
Кыыс
Бэнидиэнньиккэ кэлэктиипкэ буоларыҥ ордук. Оптуорунньукка, сэрэдэҕэ дьиэҕэ-уокка кыратык оһоллонор куттал баар. Нэдиэлэ иккис аҥаара холкутук ааһыа. Атырдьах ыйыгар төрөөбүт Кыыс бэлиэлээхтэри үлэҕэ-хамнаска, тус олоххо да уларыйыы күүтэр. Кыра күнүүлэһии, аахсыы баар буолуон сөп эрээри, дириҥиэ суоҕа. Биисинэһи сайыннарыыга кирэдьиити хорсуннук ыл.
Ыйааһын
Бэнидиэнньиккэ атын дьон кыһалҕатын быһаарыыга түбүгүрүүһүгүн. Онтон аны кэлэктиибиҥ дьыалатын быһаарыаҥ. Урукку көҕүҥ сүтэ, сэниэҥ эстэ быһыытыйбыт. Хоп-сип киинигэр киирэр куттал баар. Онон туһата суох билсиһииттэн, көрсүһүүттэн туттунарыҥ ордук. Уопсайынан, олус көхтөөх, илистиилээх нэдиэлэ күүтэр. Санааҕын түһэримэ. Кэлэр нэдиэлэҕэ ити барыта умнуллуо, оннугар түһүө.
Скорпион
Нэдиэлэ бастакы күнүттэн айар дьоҕуруҥ, эниэргийэҥ күүһүрэр. Оптуорунньуктан үлэ үөһүгэр түһэҕин. Өрөбүллэргэ хорсун сырыылаах айаҥҥа ыҥырдахтарына, батынарыҥ ордук. Үлэҕэ түбүгүҥ, эбээһинэһиҥ элбэх, эппиэтинэһиҥ үрдүк. Дизайнер, инженер, эмчит, ону тэҥэ бэтэринээр, кинолог идэлээхтэр табыллар нэдиэлэлэрэ. Үп-харчы чааһыгар хааччахтаныы баар. Сөпкө аттарар, үөрүйэх буоллаххына, санааргыырыҥ суох.
Охчут
Сүрүннээн, үчүгэй нэдиэлэ. Бэнидиэнньик соччото суох саҕаланнаҕына, санааҕын түһэримэ. Киэһэлик иэйии киириэҕэ. Оптуорунньукка, сэрэдэҕэ саҥа ситиһиигэ бэлэмнэн. Чэппиэр диэки уоскуйуу тыына киириэ. Өрөбүллэргин олоҕуҥ аҥаарыгар анаа. Биир тылынан эттэххэ, үлэлииргэ, айарга, сынньанарга анаммыт нэдиэлэ. Аскын кыччатан, успуорка ылсарга табыгастаах кэм. Тас көрүҥҥүн бэрт кыратык да тупсарарыҥ болҕомтото суох хаалыа суоҕа.
Чубуку
Нэдиэлэ бастакы аҥаарыгар үлэҕэ ситиһии кэлэрин соччо эрэнимэ. Ол оннугар чэппиэр, бээтинсэ диэки эйиэхэ да күн тыгыа. Идэ чааһыгар тахсыы, үүнүү-сайдыы кэмэ. Үөрэххэ киирэргэ, онлайн-кууруска суруйтарарга табыгастаах. Дьиэ кэргэҥҥэр балачча ороскуотуруоҥ.
Өрөбүлгэр доруобуйаҕын көрүн, өрөмүөҥҥэ ылыс.
Күрүлгэн
Нэдиэлэ бастакы аҥаарыгар өйүҥ сытыырхайыа. Тус бэйэҕэр уонна үлэ да өттүнэн элбэх киһи төлөпүөннүөҕэ. Чэппиэр диэки ол уҕарыа. Ол оннугар өрөбүллэргэ бырааһынньыктыахха сөп. Күрүлгэн – көхтөөх, үлэһит. Мумматахха, сүрэҕэлдьээбэтэххэ, эриллэн-мускуллан биэрдэххэ, харчы ардах курдук түһүө. Үөрэнэргэ табыгастаах кэм. Харчыны уурдарарга ыксаама. Кэмэ кэлиэ.
Балыктар
Нэдиэлэ ситиһиилээхтик саҕаланыа. Бастакы аҥаарыгар – сэниэ, иккис аҥаарыгар өй наада. Сыыһаны-халтыны көннөрөн түмүк оҥосторго тоҕоостоох кэм. Балыктар муусуканан, тыйаатырынан, киинэнэн үлүһүйэр кэмнэрэ. Аҕа саастаахтар кыралаан кыйахыылларын тулуйуохха наада. Олунньуга төрөөбүт Балыктарга харчы өлгөмнүк киирэрин курдук, эмиэ оннук бүтүөҕэ. Өрөбүллэргин дьиэҕэр атаар.
