Киирии

Киирии

Хой

хой

Уопсастыбаннай дьыалаҕа умньаныма. Дьиэ-уот, оҕо-уруу сөп оҥоруо. Нэһилиэстибэ эн туһаҕар быһаарыллыа. Урууну-аймаҕы кытта иллэһэр кэм. Доруобуйаҥ тупсарга барыа. Сир аһа, от элбэхтик хамсатыа. Итиигэ сэрэнэн сырыт. Олус түллэн үлэлээмэ. Кыһын сиэбэт аскын кытаатан аһыы сатаа. Кыра биисинэскин бу күннэргэ олохтоохтук торумнаан кэбис.

Оҕус

о5ус

Ыалдьыт, уруу-аймах үгүс буолуо. Дьону кытта биир тылы булар ураты дьоҕуруҥ аһыллыа. Үөрэх-билии чааһыгар табыллыаҥ. Бэйэҕэр эрэлиҥ улааппыт. Дьону үөрэтимэ, мээнэ сүбэ-ама биэримэ. Саҥа сиргэ бара сатаа. Карьера кыһалҕата дьэҥкэриэ, салгыы хайа диэки барарыҥ чопчу биллиэ.

Игирэлэр

игирэ

Хамнас үрдүөн, бириэмийэ биэриэхтэрин сөп. Аймахтартан улахан үп киириэ. Тас дойдулары кытта ситимнээхтэргэ эмиэ харчы кэлэн түһүө. Массыына, миэбэл атыылаһарга табыгастаах күннэр. Быстах билсиһии баар. Харчыны иэс ылыма. Ыраах айаҥҥа ыалдьан хаалар, эчэйэр куттал улахан.

Араак

араак

Көһүү, сыҕарыйыы кэнниттэн араактар оннуларын булуохтара. Элбэх ороскуот баар. Оптуорунньук үлэҥ соччото суох быһыыны-майгыны үөскэтиэ. Бээтинсэҕэ доҕоттору түмүөҥ. Аскын-үөлгүн көрүн. Ыал буолар суол аһыллан ахан турар. Көҥүл-босхо барар кэм үүммүт курдук.

Хахай

хахай

Кирэдьиит ыларыҥ буолуо. Бириэмийэ, чиэс-бочуот барыта баар курдук. Ыстараапкын төлүү оҕус. Төрөппүттэриҥ күүтэн ахан олороллор. Бээтинсэҕэ сокуону кэстэххинэ, олус улахан кыһалҕаҕа кубулуйуо. Аймахтарыҥ, ыаллыыларыҥ, бииргэ үөрэммиттэриҥ тоҕо эрэ эйигиттэн эрэ харчы көрдүүллэр эбит. Сөпкө тыыныы гимнастикатынан дьарыктан.

Кыыс

кыыс

Ыраах айаныҥ табыллыа, дуоһуйа сынньаныаҥ. Биллибэт-көстүбэт үлэҕинэн эбии харчы бөҕөтүн өлөрүөҥ. Баскыһыанньаҕа уопсастыбаннай үлэҕэ умса түһүөҥ. Эниэргийэҥ тыга сылдьара сороҕор кыһалҕаны үөскэтиэн сөп. Айылҕа туонатыттан ыраатыма. Тобуккун, тириигин, тиискин үчүгэйдик көрө-истэ сырыт. Элбэҕи аһаама.

Ыйааһын

ыйааьын

Сыалгын-соруккун ситиһэр туһуттан алтыһар дьоҥҥун хаҥатан эрэҕин. Кэпсэтииҥ барыта табыллан иһиэ. Урукку, умуллубут тапталыҥ хаттаан күөрэс гыныа. Аан дойду кыһалҕатын барытын быһаара сатаама. Үрдүк солоҕо ыҥырыахтара. Талар уустук буолуо. Дьоҕургун арыйаҥҥын кыра дохуокка да тиийиэххин сөп.

Скорпион

скорпион

Омук дойдутугар көһөн барар ыра санааҥ, дьэ, туолан барыа. Командировкаҕа да бардаххына, барыта табыллыа. Күрэстэһэр айылгылаах буоллаххына, барытыгар кыайыылаах-хотуулаах тахсыаҥ. Туох баар талааҥҥын барытын арыйыаҥ. Олус элбэх сэниэҕин успуордунан дьарыктанан, тугу эрэ айан-тутан таһаара сатаа.

Охчут

охчут

Уустук кэм түһүмэҕэ бүттэ, хараҥа халбарыйда. Ыраах айаҥҥа табыллыаҥ. Ордук харчылаах буоллаххына, улаатыннарар туһугар хамсаммахтаан хаал. Ипотека кирэдьиитин ылыаххын сөп. Тапталга тылгын харыстаама. Ол эрээри сымыйаны бу күннэргэ тарҕатарыҥ олус улахан содуллаах буолуон сөп.

Чубуку

чубуку

Үлэҕэр кириисис тыына биллэн эрэр. Ол эрээри дьиэҕэр барыта этэҥҥэ буолан, эн ону билиэ да суоххун сөп. Кэргэн кэпсэтии, илии охсуһуу баар. Урууга ыалдьыт да буолан сырыттаххына үчүгэй. Суруналыыс, суруйааччы буоллаххына, харчыны тоҕо тардан ылар үчүгэй тиэмэни таба тайаныаххын сөп.

Күрүлгэн

курулгэн

Үлэ көрдүүр күрүлгэннэргэ үлэ көстүө. Аһыырыҥ да эбиллибит курдук. Тыынар уорганнаргын, атаҕыҥ тымырын болҕой. Ууттан уонна арыгыттан сэрэхтээх буол. Өрөбүллэргэ болҕомтоҥ ыһыллыан сөп. Сэрэдэҕэ оҕолоруҥ ханна эрэ айанныахтара.

Балыктар

балыктар

Дьол туһугар охсуһууҥ салҕанар. Тапталга билинии баар. Сүрэҕиҥ аҥаарын, олоҕуҥ аргыһын көрсүөххүн сөп. Оҕону кытта бодьуустаһыыҥ туһата элбэх буолуо. Тыйаатырга, циркэҕэ илдьэ сырыт. Бу нэдиэлэҕэ кимниин, хайдах кэпсэтэриҥ улахан суолталаах буолуо. Ууга сэрэхтээх буол! Сынньана айанныыбын диэн сылаалаах түбүккэ хаптарыаҥ.

Тарҕат:

Ырытыыгын суруй

Защитный код
Обновить