Хой
Дьиэ-уот, оҕо-уруу кыһалҕата инники күөҥҥэ тахсыа. Өрөмүөн эмиэ баар курдук. Дьиэ кыыла, үүнээйитэ. Доруобуйа бэртээхэй. Нэдиэлэ бүтүүтүгэр суоппардар суолга ураты сэрэхтээх буолуҥ. Быстах имэҥҥэ туора хааман хаалар куттал улахан. Үлэҕэр хас да бөлөх кистэлэҥ оонньуутун толуга буолуоххун сөп.
Оҕус
Бу нэдиэлэ өрө көтөҕүллүүлээх буолуо. Кэнсиэр, кулууп, эрэстэрээн биир кэм эргичийэн олоруо. Үөрэххэ уонна саҥа билсиһиигэ сөптөөх нэдиэлэ. Элбэхтик хамсан. Успуорт диэн баран муннукка ытыы түс. Дьиэҕэ ол-бу химияттан сэрэхтээх буол. Уруу-аймах туонатыттан ыраатыма.
Игирэлэр
Дьиэ эргин кыһалҕаттан ырааппатыҥ буолуо. Социальнай кыһалҕа элбиэ. Харчы баар эрээри, ордук-хос туттан кэбиспэтиҥ ордук. Тапталыҥ туһунан кимиэхэ да быктарыма. Нэдиэлэ иккис аҥаарыгар доруобуйаҥ туһунан санаа. Бырааска сылдьан сүбэлэтэриҥ наада.
Араак
Нэдиэлэ бастакы аҥаарыгар дьонтон сүбэлэппэкэ эрэ барытын бэйэҥ быһаара сатыырыҥ ордук. Дьыала-куолу табыллыа. Айан, үөрэх судургутук сатанан иһиэ. Таптал эйгэтигэр барыта этэҥҥэ. Өрөбүллэргэ тумуулуур куттал баар. Салалтаттан сылайбыккын. Куота көтө сатыыгын. Ол быыһыгар бириэмийэ кылам гыныа.
Хахай
Тыастан-уустан сылайбыккын. Саһа сатыыгын. Дохуотуҥ улаатыыһы. Уйулҕа үөрэҕин баһылыы сатыыгын. Бэйэҥ кутталгыттан босхолоно сатыыгын. Дьиэҕин-уоккун көрүннэххинэ, нэдиэлэ иккис аҥаарыгар санааҥ сааһылыныа. Өрөбүллэргэ көр-нар уйаларыттан ыраах сырыт. Кими да күнүүлээмэ – туһата суох.
Кыыс
Доҕор-атас эргимтэтин кэҥэтиэхтээххин. Биир санаалаахтарыҥ улахан былааҥҥын олоххо киллэриэхтэрэ. Ыраах айаҥҥа бэрт истиҥ билсиһии күүтэр. Баҕар, тапталга да кубулуйуо. Онтон сылтаан үлэҕэр да мэһэйдэтиэҥ. Кэргэнниилэртэн биирдэрэ тугу эрэ кистиирэ биллиэ.
Ыйааһын
Үөһэ турар киһиттэн улахан өйөбүл баар буолуо. Аптарытыаттаах киһиттэн көмө көрдүүртэн куттаныма. Силиэстийэ ыытарга, кистэлэҥ кэпсэтии ыытарга табыгастаах кэм. Барыстаах эбии үлэни булуоҥ. Харчы кэлиэ. Дьиэҕэр дьэ улаханы атыылаһыаҥ. Өрөбүллэргэ массыыналартан ыраах сырыт.
Скорпион
Көр-нар кэмэ кэлбит курдук. Сынньаныаххын баҕараҕын. Итирии-кутуруу баар курдук. Бэйэҥ былааҥҥынан үөрэнэр сылдьар эбиккин. Өрөбүллэргэ симэх, киэргэл маҕаһыыннарыттан ыраах сырыт. Элбэхтик утуйарыҥ ордук. Төлөпүөнүнэн сурук ыытаргар болҕомтолоох буол!
Охчут
Саҥа үлэ көрдүүр кэмиҥ кэлбит. Табаҕы быраҕарга, ыра түһэргэ тоҕоостоох кэм. Дьиэ кэргэҥҥэр өйдөспөт быһыы-майгы баар буолуон сөп. Тугу эрэ кистииллэрин билиэҥ. Олоххун уларыта сатыыргын урууларыҥ утарсаллар. Бу нэдиэлэҕэ оҕо саҥатыгар ураты болҕомтолоох буол.
Чубуку
Дуогабарга аналлаах нэдиэлэ. Ыал буолан, пааспарга бэчээт уурарга сөптөөх күннэр. Чугас аймаҕыҥ туһунан бөрүкүтэ суох сурахха итэҕэйимэ. Өрөбүллэргин доҕотторгун кытта атаар. Соһуччу биир киһини көрсүөҥ – эн күүстээх тирэххин булуоҥ. Ыал чубукуларга элбэх тургутуу баар буолуо.
Күрүлгэн
Эмтэниэххин наада. Ыарыы иллэҥ кэмҥин кэтэһиэ суоҕа. Бөххүн-саххын хомуннаххына ол туһатын сонно тута билиэҥ. Көр-нар ороскуота олус улахан буолуо. Таптал эйгэтигэр кимиэхэ да ымсыырдыбыт курдук кэпсээмэ. Күрэстэһээччилэриҥ чугас сылдьаллар. Баалларын биллэриэхтэрэ.
Балыктар
Кэргэнниилэр сыһыаннара тупсуо. Тапталга билинии саҥа билсиспит курдук күөдьүйүө. Уруу-аймах үөрүүтүгэр ыҥырыахтара. Үлэҕэр олус үлэһиккин ботуччу харчынан бэлиэтиэхтэрин сөп. Аҥаардас балыктар олоххут аргыһа доҕотторуҥ кэккэтигэр баарын билбэккэ сылдьар эбиккит.
