Нэдиэлэтээҕи гороскоп (сэтинньи 19-25 күннэрэ)

Хой

Дьиэҕэр да, үлэҕэр да түбүгүҥ улааттар улаатан иһэр. Тэтимҥин түргэтэт. Сааһылан. Ыһыллыаҥ – барыта ыһыллыа. Омук тылын үөрэтэргэ, көмпүүтэр бырагырааматын баһылыырга саамай табыгастаах кэм. Харчы боппуруоһугар сэрэхтээх буол. Ороскуот улааппыт. Дьону кытта көрсүһүү, дьыалабыай кэпсэтии табыллыа. Быстах тапталы сырсыма.

Оҕус

Кыһалҕа күөрэйдэҕинэ ыстаан баран биирдэ ыйыстарыҥ ордук. Истиҥ сыһыан, таптал тиийбэт курдук буолуо. Урууну-аймаҕы кытта сыһыан эмиэ ууннары тардыбыт курдук. Төлөпүөн, куукуна тээбиринин атыылаһарга табыгастаах күннэр. Үлэҕэр дьоҥҥо аламаҕай буол. Өрөбүллэргэр спорт наада.

Игирэлэр

Харчым суох диэбэт эбиккин. Атыылаһарыҥ элбээбит. Иэс-күүс олоххо тимирэн хаалыаххын сөп. Үлэҕэр эбии сорудахтан, күүрээннээх үлэттэн куотунарыҥ ордук. Санааҥ-оноон элбэхтик түһэр-тахсар, оонньуур. Дьиэттэн да тахсыаххын баҕарбат буолуоххар диэри. Олоҕуҥ аргыһын кытта көр-нар диэки хамсыаххын наада.

Араак

Бу нэдиэлэ оҕоҕо ананар. Туох баар үлэ-хамнас, түбүк оҕону кытта ситимнээх буолуоҕа. Кыра өрөмүөн баар. Мал-сал алдьаныыта баар. Бу күннэргэ олоххун өрө тардарга, сырдык диэки өрө тахсарга хамсаныыҥ туһата улахан буолуо. Эн кыаҕыҥ муҥура суоҕун билиэҥ.

Хахай

Ыарыы, тумуу хам ылыан сөп. Доруобуйаҥ биллэ-көстө доҕолоҥнообут. Үлэ диэн баран умса түһүмэ. Дьиэ-уот, уруу-аймах иһигэр буола сатаа. Тыл бырахсан этиһиигэ киирэн биэримэ. Мөккүөр икки ардыгар кыбыллан хаалыаххын сөп. Өрөбүллэргэ сынньатар-аралдьытар тэрээһиннэргэ күүскүнэн да сылдьа сатаа.

Кыыс

Ыраах айан баар. Үөрэх, билии чааһыгар тупсуу баар. Соҕотох дьон олохторун аргыһын көрсүөхтэрэ. Араас ыра санаа киирэн тахсыа, ону барытын хааччахтаама. Харчыны кытта ситимнээх улахан дьыала баар. Кураанах куолуттан дьиҥ үлэҕэ көһөр кэм кэлбит. Салалтаҥ эйигин өрө тутуо, холобур оҥоруо.

Ыйааһын

Дьиэ уонна үлэ ыккардыгар ырыта тыыттарыаҥ. Салалта олоҕо суох ирдэбили туруоруон сөп. Дьиэ кэргэн кыһалҕатын өрө туттаххына барыта этэҥҥэ буолуо. Дохуот үрдүөн сөп. Өрөбүллэргэ чугас баран кэл. Таптал эйгэтигэр ситиһиилээх буолуоҥ. Дьон көмө көрдөөтөҕүнэ батан кэбиһимэ.

Скорпион

Барытыгар улахан эппиэтинэһи бэйэҥ эрэ сүгүөхтээххин. Дьыала-куолу барыта эн тугу гынаргыттан тутулуктаах буолан тахсыа. Алтыһар дьоҥҥун, доҕор-атас эргимтэтин өссө төгүл сыымайдаан, ыраҥалаан көрөргө күһэйиэхтэрэ. Атыы-тутуу, таҥас-сап булуута-талыыта табыллыа. Түүлгэр түһээн көрөр киһигин көрсөн үөрүөҥ.

Охчут

Үп-харчы тиийбэтиттэн ыргыллыаҥ. Олус сылайбыккын. Ис кыаххын уһугуннарар, доруобуйаҕын чөл түһэрэр дьайыылары оҥоруохтааххын. Уталытыма. Элбэхтик хаамп, аан дойду кэрэтин кэрэхсээ. Успуордунан да дьарыктан. Салалта биэрэр сорудаҕын сиидэлээ. Биир дьикти сурах эн тула эргий да эргий буолуо.

Чубуку

Олус түбүктээх нэдиэлэ. Ыраах айан эйигин ыҥырар-угуйар. Урукку былааҥҥын хасыһан көр. Тус олоҕуҥ уу нуурал буолбут. Соһуччу бэлэх, нарын тыл-өс элбиэ. Улаханы атыылаһыаххын сөп – элбэх харчы киириэ. Урбаанньыттар хаһааҥҥытааҕар да үгүс үбү тардан ылыахтара.

Күрүлгэн 

Ким эрэ, туох эрэ мэһэйдии сылдьар курдук. Көстүбэт күрүө баар. Сыалыҥ-соругуҥ дьэҥкэ, чопчу буолуохтаах. Хорсун буол. Бэйэҥ бэйэҕин күүһүрпэтэххинэ ыалдьан да хаалыаххын сөп. Искэр киллэрбэт дьоҥҥун кытта кэпсэтэ сатаама. Өрөбүллэргэ тыастаах-уустаах хампаанньа кэтэһэр. Бараар.

Балыктар

Былааҥҥыттан тосту-туора быһыы-майгы үөскүө. Кэргэҥҥин кытта сыһыаҥҥар тосту уларыйыы баар. Туох эрэ айдаан көстөр. Ол быыһыгар айан уонна үөрэх арыаллыахтара. Төрөппүттэргин кытта алтыһарга, маҕаһыыҥҥа сылдьарга сөптөөх күннэр. Мындыр киһини кытта билсэн сүбэ-ама ылыаҥ. Бу нэдиэлэҕэ эйигин олус чугас доҕотторуҥ эрэ өйдүөхтэрэ.