Нэдиэлэтээҕи гороскоп (сэтинньи 26-ахсынньы 2 күннэрэ)

Хой

Үлэһитиҥ бэрт буолан барыны бары ситиһиэҥ. Күннээҕи эрэсиимҥин сааһылан. Табаҕы, атын да куһаҕан дьаллыгы быраҕарга тоҕоостоох нэдиэлэ. Нэдиэлэ иккис аҥаара өй үлэтигэр барсыбат. Ыраах айаҥҥа турунар, ордук уунан, өссө эрдэ. Банньыкка сылдьартан туттуна сатаа. Кураанах тылга эрэнимэ, барыта докумуоннаах буоларын ирдээ.

Оҕус

Тус олохторун оҥостор оҕустарга табыгастаах күннэр. Сыһыан тупсар. Оҕону кытта ситим күүһүрэр. Нэдиэлэ иккис аҥаарыгар соһуччу түгэннэринэн элбэх буолуо. Уокка, араас суурадаһыннары туттаргар сэрэхтээх буол. Былааннаабыт үлэҥ тахсан испэт курдук. Харчыгын сэрэнэн тутун.

Игирэлэр

Дьиэни-уоту өрө тардарга ананар нэдиэлэ. Тиэхиньикэни өрөмүөннүүргэ саамай табыгастаах күннэр. Физкультуралыыргын умнума, быраҕыма. Ыал дьоҥҥо, урбаанньыттарга өйдөспөт быһыы-майгы баар буолуон сөп. Үлэ дуогабарыгар илии баттыыргар ураты болҕомтолоох буол.

Араак

Айан, көрсүһүү, төлөпүөнүнэн кэпсэтии элбэх буолуо. Барыта интэриэһинэй. Көргө-нарга сырыттаххына олоҕуҥ аргыһын көрсүөххүн сөп. Нэдиэлэ иккис аҥаарыгар доруобуйаҥ доҕолоҥнуон сөп. Дьиэ кыылын харайарга сэрэхтээх буол. Кырдьаҕас уруугун-аймаххын көрөр эбии эбээһинэс сүктэриллиэн сөп.

Хахай

Харчыгын элбэтэр туһугар кутугунайа түс. Дохуоттаныыһыккын. Тастан көмө киириэ. Таҥас-сап, мал-сал атыылаһарга табыгастаах күннэр. Ыал хахайдарга сыһыан тымныйыан сөп. Өрөбүллэргэ көрү-нары тумна сатаа. Оҕо эн тулуургун тургутуо.

Кыыс

Кими баҕарар кытта биир тылы буларга эйигиттэн ордук суох буолуо. Үөрэххэ ситиһииҥ улахан буолууһу. Дьиэ кэргэҥҥэ бэйэ-бэйэҕэ эрэнсии наада. Саҥа ыал буолбуттар уустук тургутууну туоруоххут. Аҕа көлүөнэ ытыктыырын сиргэ-буорга тэпсимэ. Дьиэҕэ элбэх ыалдьыты ыҥырарга, ыалдьыттыы барарга да табыгаһа суох нэдиэлэ.

Ыйааһын

Нэдиэлэ бастакы аҥаара үлэҕэ эрэ ананар. Санааны күүһүрдэр дьарык наада. Силиэстийэ, чинчийии баар. Чэппиэртэн өрөбүллэргэ диэри туора дьону бэйэҥ эйгэҕэр киллэримэ. Отуоргун хамсатыан сөптөөх сурах-садьык баар буолуон сөп. Аҕа саастаах аймаҕыҥ сорудаҕар сүүрүөҥ-көтүөҥ. Тумуулуур куттал улаатан турар.

Скорпион

Биир санаалаахтар өйөбүллэринэн баараҕай бырайыакка киирсиэҥ. Саҥаттан саҥа кыым саҕыллар. Нэдиэлэ иккис аҥаарыгар улаханнык ороскуотурбатыҥ ордук. Уордарыы, сүүлүктээһин куттала улахан. Таптыыр киһиҥ төрөөбүт күнүгэр тугу баҕарарын эрдэттэн билэриҥ ордук. Өрөбүллэргэ көр-нар умнуллуохтаах.

Охчут

Нэдиэлэ бастакы аҥаарыгар кимэ биллибэт араҥаччылыыр киһиҥ көмөлөһүө. Куту-сүрү бөҕөргөтөр дьарык наада буолбут. Көҕүлээччи оруолугар киирбэтиҥ ордук – мунуу-тэнии, алҕас хардыы элбэх буолуон сөп. Дьиэ кэргэҥҥэ сыһыаны эн рээ тупсарыыһыгын.

Чубуку

Устудьуоннарга саамай үчүгэй кэм. Тус олоҕуҥ туһунан ыһа-тоҕо кэпсии сылдьыма: кэпсээбиккин бэйэҕин утары туһаныахтара. Массыыналаах дьон суолтан мээнэ дьону ылбаккыт ордук. Бу нэдиэлэҕэ уопсастыбаннай сиргэ хабыр сыһыан элбиэн сөп. Албын, түөкэй дьон эн суолгар элбэхтик түбэһиэхтэрин сөп.

Күрүлгэн

Урукку суолуҥ сатаммат буоллаҕына, саҥа ыллыгы тэл. Үлэҕэр өрө-таҥнары тутуу түмүгэр үрдүөххүн сөп. Барытыгар түргэнник быһаарсан ис. Уларыйыы күүскэ дьайыа, уһуктубут курдук буолуоҥ. Нэдиэлэ иккис аҥаарыгар былаанныҥ ыһыллыан сөп. Туораттан сүбэни истэ сатаама. Доҕотторгун кытта харчыны ылсыма-бэрсимэ.

Балыктар

Олоҕуҥ аргыһын кытта ыраах айаҥҥа барыаххын сөп. Нэдиэлэ иккис аҥаарыгар салалтаны кытта өйдөспөт буолуу элбэх буолуо. Ханна да хойутаама. Төрөппүтү кытта тугу эрэ быһаарсарга табыгаһа суох кэм. Бу күннэргэ тугу эрэ ситиспит киһи диэн санаа аалыа да, эн суолгар эйигиннээҕэр быдан үрдүк киһи турар буолуо. Ыксаама.