Киирии

Киирии

Хой

хой

Олус тахсыылаах нэдиэлэ үүммүт. Эн тулуурдаах уонна дьулуурдаах буоларыҥ наада. Дохуотуҥ улаатыыһы. Үп-харчы боппуруоһун кэбэҕэстик быһааран иһиэҥ. Тугу саҥарбыккын сорҕотун дьон өйдүө, ылыныа суоҕун сөп. Онон дьону кытта төһөнөн биир тылы булаҕын да, соччонон табыллан иһиэҥ.

Оҕус

о5ус

Билииҥ-көрүүҥ таһымныыр, туппутуҥ барыта табыллан иһиэ. Саҥа үлэ көрдүөххүн сөп. Санааҥ иһинэн буолбат дьыалаҕар отой чугаһаама. Чэппиэртэн саҕалаан чуҥкуйуу кууһуо. Араас ырдырҕаһар түгэнтэн дьалты буола сатаа – ол билигин эйиэхэ наадата суох.

Игирэлэр

игирэ

Санааҥ хоту буолан иһиэ суоҕа – тулуйа үөрэн. Уолҕамчы буолума, омуннурума. Барытын сүрэххинэн буолбакка, өйгүнэн быһаара сатаа. Дьон болҕомтотун олус тардыаҥ -- үчүгэйинэн да, куһаҕанынан да. Бэйэҥ интэриэскин күүскэ көмүскүүргэ бэлэм буол. Доҕор-атас уустук түгэҥҥэр көмөҕө кэлиэ.

Араак

араак

Саҥаны билэргэ-көрөргө дьулус, онно элбэх тоҕоос көстүө. Саҥаттан саҥа идиэйэ үөскүө. Эйигин сөбүлээбэт да дьону кытта биир тылы булуоҥ. Нэдиэлэ иккис аҥаарыгар олоҕуҥ сыалын-соругун уларыта түһэргэ күһэллиэҥ. Харчы ороскуота, туһата суоҕу атыылаһыы баар буолуо. Киһи санаатынан олорор, санааҕын сааһылан, мунума-тэнимэ.

Хахай

хахай

Бу нэдиэлэҕэ олус элбэҕи ситиһиэххин наада. Кимтэн да тутуллубакка эрэ. Дьыала-куолу чааһыгар кыраҕы харахтаах, сэрэх буолуоххун наада. Кыттыгас бырайыактарга отой чугаһаама. Кимиэхэ да хам баттатыма. Талааҥҥын арыйар кыах үөскүө. Соһуччу дьыалабыай этии киирдэҕинэ аккаастаныма.

Кыыс

кыыс

Булугас, сыаллаах-соруктаах буол. Күрэстэһээччилэргин кытта күөн көрсөргө бэлэмҥин. Ситиһиигиттэн дьон сөҕөр-махтайар. Былаастаах дьон өйөбүлүн ылыаҥ. Дьыалаҕа-куолуга сокуон хараҕын иһинэн буоларын болҕойоор. Дьиэ кэргэҥҥэр сыһыан тыҥаабыт курдук. Өрөбүллэргэр көр-нар кэтэһэр.

Ыйааһын

ыйааьын

Судургута суох нэдиэлэ. Араас моһолу туоруоҥ. Доҕотторуҥ, биир санаалаахтарыҥ өйүөхтэрэ. Албын-түөкэй ньыманан тугу да ситиһэ сатаама – син биир арыллыа. Тус олоххор бутуурдаах соҕус балаһыанньа үөскээбит.

Скорпион

скорпион

Элбэҕи эрэннэрэр нэдиэлэ. Саҥа соруктары хорсуннук туруораҕын уонна ситиһэн тэйэҕин. Соһуччу хардыылар ситиһиилээх буолуохтара. Таптал да баар, дьыала-куолу да табыллыа. Бэрэбиэркэлэммэтэх сибидиэнньэни туһаныма. Урут айдаарсыбыт киһигин кытта биир тылы булуоҥ, Саҥа дьыл иннинэ эйэлэһиэҥ.

Охчут

охчут

Ийэ-хара көлөһүнүҥ тахсыар диэри үлэлиэҥ. Куруук кимниин эрэ мөккүһэр курдуккун, онтуккуттан кэлин кэмсинэҕин. Эйигин кириитикэлиир дьонтон тэйиччи сырыт, тугунан түмүктэниэ биллибэт. Докумуону толорортон, үп-харчы боппуруоһун быһаарартан туттунан эр.

Чубуку

чубуку

Дьон иннигэр тахсан саҥарар тэрээһиннэр олус чаҕылхайдык ааһыахтара. Барыта санааҥ хоту баран иһиэ. Биир өттүнэн тыл тылга киирсибэт майгы үөскүөн сөп. Ким да өйөбүлүн, хайгыырын кэтэспэккэ үлэлээтэххинэ, үлэҥ тахсыылаах буолуо.

Күрүлгэн

курулгэн

Уустук күннэр. Дьону кытта биир буларыҥ уустугурбут. Дьаһайа, салайа сатыылларын сэрэйэҕин. Бэйэҕин ойоҕостон көрүн. Утарсааччыҥ төһө күүстээҕин билбэккэ эрэ уокка киирэ сатыыр эбиккин. Сыыйа барыта оннун булуо. Дьиэ кэргэҥҥэ барыта этэҥҥэ.

Балыктар

балыктар

Хаһааҥҥытааҕар да түргэнник сылайар буолбуккун. Дьарҕа ыарыыҥ көбөн тахсыан сөп. Успуордунан дьарыктан. Бириэмэҕин хайдах аттараргыттан ситиһииҥ тутулуктаах. Үлэҥ элбэҕиттэн элбэхтэн аккаастаныаҥ. Санааҥ күҥҥэ сэттэтэ уларыйар буолбут, наар астыммаккын, дуоһуйбаккын. Хата, дьон эйигин бэркэ билэр буолан, айдаан тахсыа суоҕа.

Тарҕат:

Комментарии

Защитный код Обновить