Хой
Үлэҕэ эбэтэр дьиэҕэ туттуллар сыаналаах тэрил алдьанар кутталлаах. Итинтэн сылтаан иирсээн тахсыан сөп. Төһө кыалларынан култуурунайдык сынньан, өрөбүллэргэ дьиэҕэ бүгэн сытыма. Сулумахтар, бэйэ аатын-суолун харыстыыры умнумаҥ. Бэйэҕэ эрэллээх буол, тулалыыр дьоҥҥо кыһалҕалааххын биллэримэ. Дьиэ кэргэннээх Хойдор өссө төгүл дьылҕаларыгар махтаныахтара. Кинилэр олохторугар таптал уйаламмыт.
Оҕус
Дьиэ үлэтигэр үлүһүйүмэ. Ол оннугар кэлэктиип бырайыага инникилээх буоларыгар күүскүн-уоххун уур. Үлэ кэмигэр тылгын-өскүн хонтуруоллуу сырыт. Дьиэлээхтэргин кытта үөскүүр иирсээн доруобуйаҕар охсуон сөп. Эн олоххор буолар уларыйыы эйигиттэн тутулуктаах. Хас биирдии хардыыҥ уларыйыыны үөскэтэр чинчилээх. Саҥа саҕахтары арыйартан куттаныма, доруобуйаҕын хонтуруоллана сырыт.
Игирэлэр
Үгүс Игирэлэр олохторун тупсарарга күүскэ туруммуттар. Үлэлиир тэрилтэттэн саҕалаан, дьиэҕэ-уокка, имиджкэ сыһыаннаах уларыйыылар күүтэллэр. Өрөбүллэргэ бабер-шопка, косметологка уонна истилиискэ сылдьан бэйэ бодоҕун тупсарыаххын сөп. Ол гынан баран харчыны халтайга ыытыма, харыстаан тутун. Нэдиэлэ иккис аҥаарыгар үп-харчы боппуруоһа тупсуоҕа. Сулумахтары интэриэһинэй көрсүһүүлэр күүтэллэр.
Араак
Өй уонна сүрэх мөккүөрүгэр сылдьаҕын. Эппиэтэ суох боппуруос элбэх. Тус олоххор уларыйыы күүтэр. Үлэ этэҥҥэ баран иһэр, ситиһии субу-субу кэлэн иһиэҕэ. Үөрэнээччилэр, үөрэххэ эппиэтинэстээх буолуҥ.Бу күннэргэ дьону кытта көхтөөхтүк алтыһыаҥ, сэргэхсийиэҥ. Бэйэҕэ эрэлэ суох дьон, талааҥҥытын сайыннаран, эбии дьарыктаах буоларгыт ордук. Ыйааһын түһэрэргэ табыгастаах кэм.
Хахай
Хараххынан хайгыы көрөр киһиҥ ураты болҕомтолооҕун өйдүөҥ. Тус олоххо аһара үлүһүйэ сылдьан, суолталаах дьыалаҕа эрэйи көрсөр чинчилээххин. Үлэҕэр аптарытыаттааххын, үчүгэй исписэлиис буолаҕын. Онон барыта силигин ситиэ. Олоххор улахан кыһалҕа ааҥнаабат эрээри, дьиэ кэргэҥҥэр өйдөспөт буолуу баар. Төһө кыалларынан дьоҥҥун кытта уопсай тыл булан ыраас туруктаах сырыт.
Кыыс
Үчүгэйэ суох сонуну истиэҥ. Арааһа, тугу эрэ туруорса сатыыргын аккаастыахтара. Дьиэ кэргэниҥ аҕа саастаах киһитигэр эн сүбэҥ олус наада эбит. Киниттэн киэр хайыһыма. Сулумахтар, саҥа билсиигэ наһаа үлүһүйүмэҥ. Кэлиҥҥинэн тус эйгэҕин сыаналыыгын, төһө кыалларынан дьонноох-сэргэлээх сиргэ сылдьыбат буола сатыыгын. Кэрэ аҥаардар айылҕаттан бэриллибит кырасыабайдара өссө чочуллубукка дылы буолбут.
Ыйааһын
Бу күннэргэ соччо билбэт киһиҥ улаханнык абырыаҕа. Онон тулалыыр дьоҥҥор болҕомтолоох буол. Саҥа малы-салы атыылаһарга үчүгэйдик көр-иһит. Бу күннэргэ настарыанньаҥ уларыйа сылдьыаҕа. Дьиэлээхтэргэ өрө бара-бара кыыһырыма, хомотума. Доруобуйаҥ этэҥҥэ. Успуордунан дьарыктаначчылар, сэрэнэн хамсаныҥ, кыра оһол баар курдук.
Скорпион
Чугас дьоҥҥутун остуол тула мунньан бэлиэ күнү бэлиэтиэххит. Тапталлааххыттан тугу да кистээмэ. Чиэһинэй буоларыҥ наада. Бу нэдиэлэҕэ айаҥҥа сылдьыаҥ, суолталаах докумуоҥҥа илии баттыаҥ. Кэллиэгэлэриҥ ордук саныылларын, бэрт былдьаһа сатыылларын биллэриэхтэрэ. Төһө да уустук буоллар, бэйэҕин чиҥ билиилээх исписэлиис быһыытынан көрдөрөргөр бириэмэ уолдьаспыт.
Чубуку
Дьиэ кэргэҥҥин кытта өйдөспөт буолуу үөскээбит, сыһыан ыарахан. Бу түгэҥҥэ тулуурдаах буол, күн-дьыл ааһа түстүн. Сулумахтар, чэпчэки сыһыаҥҥа охтумаҥ, ыксаамаҥ. Өрөбүллэргэ кинигэ ааҕан, суолталаах киинэни көрөн билиигин хаҥат. Доруобуйа мөлтөһүөр буоллаҕына, хайаан да бырааска сырыт. Үп-харчы боппуруоһа эмиэ ыгым курдук. Билигин ыарахан эрээри, сотору кэминэн барыта тупсуо.
Охчут
Дьиэ кэргэҥҥин кытта өйдөспөт буолуу үөскээбит, сыһыан ыарахан. Бу түгэҥҥэ тулуурдаах буол, күн-дьыл ааһа түстүн. Сулумахтар, чэпчэки сыһыаҥҥа охтумаҥ, ыксаамаҥ. Өрөбүллэргэ кинигэ ааҕан, суолталаах киинэни көрөн билиигин хаҥат. Доруобуйа мөлтөһүөр буоллаҕына, хайаан да бырааска сырыт. Үп-харчы боппуруоһа эмиэ ыгым курдук. Билигин ыарахан эрээри, сотору кэминэн барыта тупсуо.
Күрүлгэн
Таптал туһунан ыраланар дьоҥҥо истиҥ иэйии кэлиэҕэ. Харчыга баарт эмиэ баар. Бэйэ дьыалатын тэринэргэ ситиһии улахан. Бу күнннэргэ бэйэҕин эрэннэххинэ, тус кыаххын туһаннаххына, чахчы, маладьыас буолаҕын. Төһө кыалларынан соҕотох сылдьан инники үлэҥ туһунан толкуйдан. Дьиҥэр, эйиэхэ мэһэйдиир туох да суох. Арай, таптыыр киһиҥ өйдөөбөт түгэннэрэ баар. Харчыттан сылтаан этиһимэҥ.
Балыктар
Кистэлэҥи кимиэхэ да кэпсээмиэххэ. Тылгын биэрбит буоллаххына, тиһэҕэр диэри ону өйдөө. Урут хомоппут киһигин кытта эйэлэһиэххит. Бу күннэри доҕотторгун кытта атааран, сыһыаны бөҕөргөтүөҥ. Үлэҕэ улахан уларыйыы суох. Бэйэҥ киэҥ-холку майгылаах буолаҥҥын, буола турар уларыйыылары сымнаҕастык ылынаҕын. Тус олоххун оҥостору умнума, үлэҕэ олус умса түһүмэ.
