Войти

Войти

Хой

хой

Эйигин дьыалабыай сыһыаҥҥа үрдүк ситиһии кэтэһэр. Маны таһынан үп-харчы өттүгэр дьыалаҥ-куолуҥ табыллыыһы. Бу күннэргэ тулалыыр дьоҥҥор тулуурдаах буол. Ньиэрбэҕин сии сатааччылар, үтэн-анньан көрөөччүлэр бааллар. Оптуорунньукка туох да саҥаны саҕалаама. Чэппиэргэ доҕотторгуттан үөрүүлээх сонуну истэн, олус дьоллонуоҥ. Тааптал туһунан туора дьоҥҥо ыһа-тоҕо кэпсээмэ. Киһи тылынан эппэт үрдүк үөрүүтэ буолаары гыммыт... Кытаатыҥ.

Оҕус

о5ус

Бэрт интэриэһинэй дьарыктаах киһини кытта билсиэҥ. Кини эйиэхэ наһаа элбэҕи сүбэлиэ-амалыа. Онон болҕойон иһиттэххинэ, бэйэҕэр элбэх туһалааҕы истиэҥ. Үлэҕэр саҥа саҕах, арыллаары гыммыт. Арай, таптал чааһа соччото суох. Кини өттүттэн албын-көлдьүн сыһыан үөскээбит. Тапталлааҕыҥ доҕотторун санааларын наһаа өрө тутар, кинилэр тылларын-өстөрүн холобур оҥостор эбит. Сыһыаҥҥытыгар ол улахан мэһэй уонна иирсээн төрүөтэ буолбут.

Игирэлэр

игирэ

Аһара холкутуйума, тугунан эмэ дьарыктаннаххына сатанар. Эбии дохуот туһунан толкуйдуур буолбуккун. Олоххор саҥа сүүрээни киллэрэргэ табыгастаах кэм. Өрөбүллэри сынньалаҥ соҕустук атаар, үлэҕэ умса түспэтиҥ ордук. Сулумахтар, наһаа соҕотохсуйумаҥ. Төһө кыалларынан, дьон ортотугар сылдьа сатааҥ. Маны таһынан эти-хааны эрчийэр дьарыккытын умнумаҥ, элбэхтик хамнаныҥ.

Араак

араак

Урукку доҕотторуҥ биллиэхтэрэ. Кинилэри кытта ахтылҕан кэрэ киэһэлэрэ буолуохтара. Уопсайынан, кэлии-барыы элбэх. Саамай сүрүнэ, аһыы утахха үлүһүйүмүөххэ наада. Онон хонтуруоллана сырыт. Эргитиигэ-урбатыыга ситиһии күүтэр. Онон, урбаанньыттар, тэрилтэлэр салайааччылара, кыаххытын толору туһана сатааҥ. Аҕа саастаах Араактар куйаар ситимин баһылыахтара, элбэх саҥаны билиэхтэрэ-көрүөхтэрэ. Онон куһаҕана суох нэдиэлэ күүтэр.

Хахай

хахай

Уоппуска ылар кэмиҥ кэлбит. Мүччүргэннээх сырыылардаах уһун айаҥҥа турунуоххун да сөп. Бу сайын эйигин элбэх умнуллубат түгэн күүтэр. Омук тылын баһылаары күүскэ туруммуккун. Харчыга ыктардаххына, доҕотторгуттан көрдөө. Кирэдьииккэ эрэ киирэн биэримэ. Үлэҕинэн дьыалабыай көрсүһүү, кэпсэтии элбэх. Онон таҥаскын-сапкын, истиилгин көрүнэ сырыт.

Кыыс

кыыс

Эмиэ даҕаны наһаа сылайбыт курдуккун. Үлэҕэ түбүк-табык элбэх. Ол эрээри сынньалаҥ күннэр олус сэргэхтик ааһыахтара. Сулумахтарга уларыйыы-тэлэрийии бөҕө буолбут. Туохха эрэ улаханнык сүрэхтэтэн сылдьар эбиккит. Кытаатан үчүгэй сыһыаны олохтуурга ылсан иһиҥ. Доруобуйа кыралаан халбаҥныыр. Онон кэтэнэ сылдьыҥ, күүскэ үлэлээмэҥ. Өрөбүлгэр уруккуттан иитиэхтээбит ыра санааҕын толоро сатаа.

Ыйааһын

ыйааьын

Бу күннэргэ дьоһуннаахтык сырыт. Дьыалабыай кэпсэтии күүтэр. Ол этэҥҥэ аастаҕына, дуоһунаскар үрдүүр кыахтааххын. Элбэх кэпсэтии күнэ күүтэр. Сыҥаланан да туран, кистэлэҥнэрин кэпсээччилэр баар буолуохтара. Ол аата, эн олус эрэллээх киһигин. Өрөбүллэргэ хайаан да айылҕаҕа сылдьыаххын наада. Тапталлааххын кытта сыһыан үчүгэй бөҕө. Иллэҥ бириэмэҕитин бииргэ атаарыаххыт.

Скорпион

скорпион

Кытаатан барытын хараххар оҥоро, үчүгэйи ырыҥалыы сырыт. Бииргэ үлэлиир кэллиэгэлэриҥ өйөбүллэрэ олус наада. Син сыралаах күннэр үүммүттэр. Айар куттаах Скорпионнар иэйиилэрэ уһуктан, айар-тутар дьоҕурдара ыһылла сылдьар. Кэрэ аҥаардар тас көрүҥнэригэр олус болҕомто уураллар. Кэлиҥҥи кэмҥэ наһаа тупсубуттар, кырасыабайдара “бэргээбит”. Оттон эр дьон айылҕалыын алтыһан күүс-сэниэ ылыахтара, туох эрэ суолталаах уларыйыыга эрэллээхтик хардыылыахтара.

Охчут

охчут

Нэдиэлэ саҕаланыыта уустук соҕус буолуоҕа. Ол гынан баран, билигин буола турар быһыы-майгы тус бэйэҕиттэн эрэ тутулуктааҕын өйдөө. Сынньалаҥҥын аттаран эрдэттэн былаанныаххын наада. Мээнэ кыыһырыма, сиэрэ суох быһыыланыма. Ити барыта иэстэбиллээх буолуо. Хата, ол оннугар оҕолоргун кытта бириэмэни атаар. Кинилэр үөрүүлэрэ-көтүүлэрэ куһаҕан санааттан абырыаҕа. Чугас дьоҥҥун харыстаа.

Чубуку

чубуку

Ыра санааҕын толорор кыах бэриллибит. Баҕа санааҥ суох буоллаҕына, түргэнник толкуйдуу оҕус. Бу нэдиэлэ элбэх кэлиилээх-барыылаах буолуоҕа. Көй салгыҥҥа сырыт, утуйуоҥ иннинэ хайаан да дьаарбай. Доруобуйаҕар болҕомто ууруоххун наада. Үлэҕэр бииртэн биир күөрэйэн тахса туоруо, онно бэлэм буол. Бу суолгунан баран ис, тохтоон хаалыма. Оҕолоргун уонна чугас дьоҥҥун кытта элбэхтик алтыс, санааларын иһит.

Күрүлгэн

курулгэн

Нэдиэлэ саҕаланыыта сонун истиэҥ. Бу сонуну хайдах ылынаргыттан инники олоҕуҥ салаллыа. Хайдах эрэ чуумпуран, уоскуйан хаалбыт курдуккун. Арааһа, кыратык сынньана түһэр бириэмэ кэлбит быһыылаах. Онон төһө кыалларынан санааҕын сааһылан, инники олоххун былааннан. Кэллиэгэлэриҥ сыыһаларын өрүү эн көннөрөр эбиккин. Онон кинилэри наар бэлэмҥэ үөрэтэ сатаама. Салалтаҕын кытары аһаҕастык кэпсэтэн, үлэ тутулун быһаарсыаххын наада.

Балыктар

балыктар

Наһаа сымнаан хаалыма. Эн үтүө санаалааххын, аһыныгас майгылааххын бары билэллэр. Хайа эрэ түгэҥҥэ кытаанах майгыгын көрдөрүөххүн наада. Араас бытархай кыһалҕа баар буолуо эрээри, онно кыһаллыма. Барыта этэҥҥэ буолуоҕа. Таптал сыһыаныгар уларыйыы суох. Онон туох эрэ саҥа дьайыыны оҥоруохха наада быһыылаах. Холобур, сүрэҕиҥ аҥаарын үөрдэр инниттэн соһуччу бэлэҕи оҥоруоххун сөп. Сулумахтар, сытыы-хотуу соҕустук тутта-хапта сылдьыҥ.

Тарҕат:

Добавить комментарий