Хой
Олус табыллар нэдиэлэҥ. Олоххор улахан уларыйыы саҕаланыа. Судургута суох быһаарыныы ылыныаҥ. Хаһааҥҥытааҕар да күүскэ түллэн үлэлиир кэмиҥ. Саҥаны билиэх-көрүөх баҕаҥ улааппыт. Үп-харчы хамсыыр, атыы-тутуу үксүүр. Үлэҕинэн үрдүүр тоҕоос биэриэхтэрэ. Биир санаалаах дьону кытта алтыс.
Оҕус
Уустук эрээри олус тахсыылаах нэдиэлэ. Саҥа ньыманы тобулар кэм кэлбит, уруккунан сылдьыма. Төһө да куттаннаргын, хорсун буол, кэтэмэҕэйдээмэ. Былааннамматах айан, көрсүһүү баар буолуо. Кутталлаах, мүччүргэннээх сырыы да көстөр. Иэс ылыма, иэстээх сылдьыма. Доруобуйаны көрүнэргэ табыгастаах күннэр.
Игирэлэр
Ыгыылаах-күүрүүлээх күннэр. Туох эрэ буолан эрэр диэн сэрэйэҕин эрээри, барыта туман-имэн курдук. Куттаныма – барыта сатаныа! Бүк эрэнэр эрэ дьоҥҥор санааҕын ыһа-тоҕо кэпсээ. Харчылаах дьыалаҕа илии баттаһыаҥ. Муннугар сыттааххын – үп-харчы бэйэтинэн киириэ.
Араак
Урукку кыһалҕаны туох да айдаана суох саба тутан кэбиһиэҥ. Кимтэн да тугу да эрэйимэ. Барытыгар бэйэҥ сүүр, оччоҕо түмүгэ да үтүө, ботуччу буолуо. Таптал баар. Уоттаах таптал. Хаһан да умнуллубат тэрээһиҥҥэ сылдьыаҥ. Учууталлыыр, бэлиитикэлиир, сонуну тарҕатар идэлээх дьоҥҥо олус үтүө күннэр үүммүттэр. Уопсастыбаннай олоххо көхтөөхтүк кытын.
Хахай
Барыта санааҥ хоту баран иһиэ. Нэдиэлэ ортотугар сэрэх буол. “Саҥа” диэн тыллаах буолла да ыраах сырыт. Дьон сүбэтин наһаа чугастык ылыныма, истимэ. Бэйэҕэр эрэллээх буол. Саҥа үлэҕэ ыҥырыахтара эрээри, саҥа диэннээҕин умнума. Аймахтарыҥ сүрэххин долгутар соһуччу бэлэҕи уунуохтара.
Кыыс
Олус күүрүүлээх, элбэх үтүө түмүктээх күннэр. Үлэҕэр этиһии, охсуһуу баар буолуон сөп. Дьиэҕэр да соччото суох быһыы-майгы баар буолуон сөп. саҥа идиэйэ кыымнара көтөн барыахтара. Ону үрэн сирилэтэн күөдьүтэн биэр. Харчы бөҕөтө киириэ. Атыы-тутуу табыллыа. Харчы укпутуҥ добуочча үбү киллэриэ.
Ыйааһын
Холку нэдиэлэ. Кыралаан ыктарыылаах буолан да ылыан сөп. Нэдиэлэ саҥатыгар буолар сабыытыйалар улахан дьайыылаах буолуохтара. Былааҥҥыттан туораама, халбаҥнаама. Доруобуйаҕын көрүн, сылаарҕаабыккын. Эрэнэр дьоҥҥун кытта сүбэлэс. Туораттан көрүү ордук туһалаах буолуо. Туохха сүбэлэтэргин бэйэҥ эрэ билэҕин.
Скорпион
Барыта чаҕылхай, уоттаах-күөстээх. Эмиэ ураты идиэйэ бөҕөтө фонтан курдук өрө тыгыалаан олоруо. Дьыала-куолу эйгэтигэр саҥа саҕахтар арыллыахтара. Араас өҥөнү оҥорор, эргинэр скорпионнар ситиһиигит олус улахан буолуо. Киэҥ сиринэн тэлэһийэ сылдьааччыларга таптал, кистээн көрсүһүү баар буолуо.
Охчут
Күлүккэ сылдьыма. Дьон болҕомтотугар сырыттаххына үлэҥ да тахсыылаах буолуо. Ити барыта нэдиэлэ саҥатыгар. Чэппиэртэн саҕалаан ыар таһаҕаһы соһор курдук туруктаныаҥ. Хата, дьолгор, элбэх харчы киирэн соһутуо, үөрдүө. Таптыыр киһигин кытта элбэхтик алтыс, кэпсэт, сынньан.
Чубуку
Сүпсүгүрүү. Сүүрүү-көтүү. Буом. Туорай. Барытын туоруоҥ, элбэҕи ситиһиэҥ. Туох барыта сырдык, кэрэ, өҥнөөх. Харчы киириэ. Былаастаах аймахтарыҥ көмөлөһүөхтэрэ, умнуо суохтара. Өрөбүллэр – кэпсэтэргэ уустук күннэр. Онон ити күннэргэ дьиэҕэр бүк, суун-тараан, дьабдьын.
Күрүлгэн
Тылыҥ тымтык да буоллар, кими баҕарар кытта биир тылы булаҕын. Урукку-хойукку сибээстэриҥ күөрэйиэхтэрэ, саҥалыы тыыны киллэриэхтэрэ. Таптал, саҥа кистэлэҥ ситим, көссүү баар буолуо. Сэминээргэ, кэмпириэнсийэҕэ аналлаах нэдиэлэ. Ол сылдьан туох эрэ ураты бырайыакка бииргэ үлэлиэххэ диэн этии киириэ. Хайаан да бараар!
Балыктар
Уустук ыйытыыларга хоруй көрдөөн тахсыаҥ. Дьыала-куолу хаамыытыгар имэҥнээх сыһыан да күөрэйиэн сөп. Айаныҥ табыллыа. Саҥа сиргэ бэрт түргэнник оннугун була охсоҕун. Миэрэтин эрэ биллэргин. Нэдиэлэ иккис аҥаарыгар тумуу баар буолуон сөп.
