Гороскоп. Олунньу 14-20 күннэрэ

 

Хойдор, бу нэдиэлэҕэ тулалыыр дьоҥҥутун, кэллиэгэлэргитин кытта букатын иирсимэҥ. Тоҕо диэтэххэ, кыыһырсыы буолар түгэнигэр олус өрүкүйэн, оргуйан, элбэх “этиллиэ суохтааҕы”, ордугу-хоһу тыллаһан кэбиһэр чинчилээххит. Онтугут дьону кытта сыһыаҥҥытыгар куһаҕан содуллаах буолуон сөп. 

Уопсайынан, улахан суолталаах, дьыалабыай кэпсэтиилэри ыытарга табыгастаах нэдиэлэ. 

 

 

Оҕустар үлэлэригэр да, тус олохторугар да үрдүк ситиһиилэр күүтэллэр. Эн тылгын дьон бары “айахтарын атан олорон” истэллэр, эппиккин барытын сүүс бырыһыан итэҕэйэллэр. Ону туһанан ылыаххын сөп. Наһаалаамыаххын эрэ наада. Доҕотторуҥ аһара улахан былааннары оҥороллор, сүгүрүйээччилэриҥ эмиэ элбэҕи күүтэллэр. Романтика алыбыгар ылларан, дьиэ кэргэҥҥин эрэ умнума. 

 

Бэйэҥ кырдьыккын дакаастыы сатаан эрэйдэнимэ, ол туох да туһата суох. Ол кэриэтин кыратык киитэрэйдээбитиҥ быдан көдьүүстээх буолуо. Саҥа билсэр дьоҥҥун болҕойон көр: бэрт сотору кинилэртэн хайалара эрэ эйиэхэ улаханнык туһалыа. Элбэх саҥа дьону кытта билсэ сатаа. Нэдиэлэ бастакы аҥаарыгар харчыга сыһыаннаах (иэһи, кирэдьиити, страховканы, нэһилиэстибэни) боппуруостары барытын быһаара сатаа.

 

 

Саҥа дьыаланы саҕалаама, уруккуларгын түмүктүү сатаа. Олоххо дьүккүөрүҥ муҥутуурдук улаатан, тапталга-имэҥҥэ кыаҕыҥ аһара таһымнаан, интуицияҥ күүһүрэн сылдьар кэмэ. Туох эрэ дьыалаҕа ылсаргар бэйэҥ ис куоласкын, интуицияҕын эрэн. Оччоҕуна сыыһыаҥ суоҕа. Бу нэдиэлэҕэ үп-харчы, дьыала-куолу боппуруостарын быһаара сатаама, ол оннугар духуобунай эйгэҕэ, сынньалаҥҥа, айаҥҥа болҕомтоҕун уур.

 

Бу нэдиэлэҕэ хахайдар дьиэлэригэр-уоттарыгар олорон хаһаайыстыбанан дьарыктаналлара, дьиэ кэргэннэрин кытта ыкса алтыһаллара, олорор сирдэрин тупсара сатыыллара ордук буолуо. Аста астааҥ, ыалдьыттары ыҥырыҥ, ол кыаллыбат буоллаҕына – сытан сынньаныҥ. Бу нэдиэлэҕэ харчы боппуруостарыгар атын дьону, тэрилтэлэри кытта сыһыан, бодоруһуу, хардарыта көмөлөсүһүү баар буолуон сөп. 

 

 

Сулустар этэллэринэн, бу нэдиэлэҕэ Кыыс элбэх бириэмэтин атаарар сирин (холобур, үлэлиир миэстэтин) ыбылы ыраастыан, сууйуон-сотуон, убуоркалыан наада. Төһөнөн ол үлэни хаачыстыбалаахтык оҥорор да, бу нэдиэлэтэ киниэхэ эмиэ оннук ааһыаҕа. Ыраах айанныырга, командировкаҕа барарга, кэпсэтиилэри ыытарга табыгастаах кэм. Таһыттан харчы кэлэрэ күүтүллүбэт, “барыан” эрэ сөп. 

 

Харчыны барыстаахтык угарга (бааҥҥа, сыаналаах актыыпка, көмүһү уонна ювелир оҥоһугун атыылаһарга) үтүө кэм. Ону тэҥэ, урукку өстөөхтөрү кытта эйэлэһэргэ, былыргы алҕастары көннөрөргө – үчүгэй нэдиэлэ. Олоххор туох эрэ соһуччу уларыйыы тахсарыгар бэлэм сырыт. Ол уларыйыы сорохторго үөрүүлээх буоллаҕына, ыйааһыннар баһыйар үгүстэригэр ол туох да бэрдэ суох буолуон сөп. Дьиэ кэргэниҥ өйөбүлүгэр эрэн.

 

 

Скорпионнар бу кэмҥэ сынньаналлара, саҥа күүһү-кыаҕы мунньуналлара, бэйэлэрин сайыннараллара, уруккуну-хойуккуну анаараллара ирдэнэр. Ол эбэтэр, киһи быһыытынан үүнүөхтэрэ, сайдыахтара, саҥа таһымҥа тахсыахтара. Дьикти сонун кэлэн соһутуо. Элбэхтик салгыҥҥа сылдьыҥ, таһырдьа күүлэйдээҥ. Таптал боппуруоһугар: олоххут кустук араас өҥүнэн чаҕылыйан, сандааран кэлиэ. 

 

 

Охчуттар ис кыаххыт, олоххо дьулуургут, эниэргийэҕит букатын таһынан быччаҥнаан, таһымнаан барыа. Ону туттуна сатыыртан соло булуоххут суоҕа. Аттыгар баар дьон эн тугу саҥараргын, этэргин-тыынаргын эрэ күүтэллэр. Ону көдьүүстээхтик туһана сатаа. Ылсыбытыҥ барыта табыллан, сатанан иһиэ. Бу кэмҥэ арыгыны амсайар кыккыраччы бобуллар.

 

 

Бэйэҕин тула өттүгүттэн болҕойон көрүн: төһө үтүө дуу, мөкү дуу киһибиний, туох итэҕэстээхпиний, туох үчүгэйдээхпиний? Ол “көрүнэн” баран түргэн түмүктэри оҥорума – аа-дьуо толкуйдаа. Дьиэҕэр кыыһырсыы баар буолуон сөп, ону холкутук, эйэлээхтик быһаара сатаа. Бу нэдиэлэҕэ эн көтүмэҕиҥ, ыһыллаҕаһыҥ дьону кыынньыан сөп. Ордук – чугас дьоҥҥун. Үлэҕэр ситиһии күүтэр, ону мүлчү тутума. 

 

 

Урукку доҕору эбэтэр кими эрэ кытта наһаа ис киирбэх, истиҥ көрсүһүү күүтэр. Элбэхтик хамсаныаххын, барыаххын-кэлиэххин, дьыалабыай кэпсэтиилэри ыытыаххын наада. Хантан эбии хамнастанар туһунан толкуйдаа. “Медитация” диэннэрин билбэт буоллаххына, үөрэтэриҥ уолдьаспыт. Бэрт сотору кэминэн улахан хамсааһыннар күүтэллэр. Онно бэлэмнэнэн духуобунай өттүнэн сынньанарыҥ, уоскуйарыҥ эрэйиллэр. Дьоҥҥо тугу да эрэннэримэ. 

 

 

Балыктар таптыыр киһилэрин кытта тугу толкуйдаабыттара барыта табыллан иһиэ. Олоххут кыралаан уларыйан иһэр, онтон соһуйумаҥ, куттанымаҥ. Күүскүтүн харыстаммакка, харса суох иннигит диэки дьүккүйэн иһиҥ, билигин – табыллыы кэмэ. Улахан ситиһии эрэ күүтэр. Онтон төбөҕүт эргийимиэн эрэ наада. Халлаантан сиргэ түһүҥ. Оҕону “оҥорорго”, оҕо төрүүрүгэр бэртээхэй кэм.