Хой
Нэдиэлэ саҥатыгар туохха ылсаҕыт да, онно барытыгар ситиһиилэнэн иһиэххит. Күрэс былдьаһааччылардаах буоллаххытына, олору ырааҕынан хаалларыаххыт. Үлэҕэ-хамнаска таһаарыылаах нэдиэлэ күүтэр. Нэдиэлэ бүтүүтүгэр тус олоххутугар туох эрэ ситэ тиийбэт курдук саныаххыт. Чугас киһигититтэн болҕомтону аһара эрэйэҕит. Ол эрээри биири өйдөөҥ: бэйэҕитин туораттан кэтээн көрүҥ. Сорох түгэҥҥэ ылары, ирдиири эрэ билэҕит.
Оҕус
Бэнидиэнньиккэ мөккүһэ сатааччылар көстүөхтэрэ. Киэҥ көҕүстэниҥ: айдааны күөртээмэҥ, ол эһиэхэ туох да туһаны аҕалыа суоҕа. Оптуорунньук – сэргэх күн. Сулумах дьону билсиһии күүтэр. Нэдиэлэ иккис аҥаарыгар эһиэхэ “италиялыы” итии хаан оонньоон туруон сөп. Ханна эрэ кэлиэх-барыах, киириэх-тахсыах санаа кэлиэ, улахан хампаанньанан көрсүһүүлэр баар буолуохтара. Туохха барытыгар миэрэ баарын умнумаҥ, аһара барымаҥ.
Игирэлэр
Нэдиэлэ саҥатыгар була сатыы-сатыы, туохтан эрэ долгуй да долгуй буолуоххут, онтон санааҕыт түһүөҕэ. Сэрэдэҕэ, чэппиэргэ ол санааттан босхолонуоххут. Кыһалҕа баар да буоллаҕына, үгүс түбүгэ суох быһаарыллан хаалыаҕа. Үп-харчы боппуруоһа – кэминэн: элбээн да, көҕүрээн да кэлбэт. Тапталга эмиэ уу нуһараҥ кэм. Арай нэдиэлэ бүтүүтэ сылайбыккытын билиэххит. Өрөбүл күҥҥүтүгэр дьахталлар сытан сынньаныҥ, киинэтэ көрүҥ.
Араак
Оптуорунньук – ситиһиилээх күн. Дьыалабыай хаачыстыбаларгыт уһуктуохтара, билиэх-көрүөх баҕаҕыт күүһүрүөҕэ. Үлэҕитигэр эбии сорудах биэрдэхтэринэ, аккаастанымаҥ. Үчүгэйдик толордоххутуна, онтугут балай эмэ хардалаах буолуоҕа. Чэппиэргэ саас чугаһаабыт сибикитин билиэххит, санааҕыт көтөҕүллүө. Өрөбүллэргэ хаһаайыстыбаҕа сыһыаннаах үлэни-хамнаһы барытын биирдэ саба тутан бөрүү сатыыгыт да, кыайтарыа суоҕа.
Хахай
Бу иннинэ өр кэмҥэ “утуйа” сылдьыбыт эбиккит. Бэнидиэнньиккэ эбиэттэн киэһэ дьэ уһуктан барыаххыт. Оптуорунньукка эньиэргийэҕит өрө ытыллан олоруоҕа. Ону биирдэ ыһа-тоҕо тэбээн кэбиһэр эбиккит. Чэппиэргэ көрсүһүүлэр, билсиһиилэр баар буолуохтара. Урукку доҕоттор күөрэйэн кэлиэхтэрэ. Өрөбүлгэ дьахталлар тас сэбэрэҕитин көрүнүҥ, киэргэниҥ – бэйэҕитигэр эрэлгит улаатыа. Сулумах хахайдар, баҕар, аналгытын көрсүөххүт.
Кыыс
“Уҥа-хаҥас” көтүөлээмэҥ, онно-манна быгыалаамаҥ. Бу нэдиэлэни төһө кыалларынан чуумпутук аһарыҥ. Онто да суох күннээҕи түбүк-табык элбэх, ону үмүрүтэртэн иллэҥ буолуоххут суоҕа. Баҕа санааҕыт, сыалгыт туолан испэтиттэн кэлиҥҥи кэмҥэ санааҕыт түһэр буолбут. Төрүт санаарҕаамаҥ: санааҕа ылларан, быар куустан олорор кэм буолбатах. Кыра өһөс майгыгытын киллэрдэххитинэ, оннооҕор буолуоҕу ситиһиэххит.
Ыйааһын
Сэрэйэн көрөр дьоҕургут хайа да кэмнээҕэр күүһүрбүт. Урукку былааннары хат ороон таһааран үлэлэһэргэ табыгастаах кэм. Бэрт сөпкө баран иһэн, ардыгар ыһыллан ылар эбиккит. Ыһыллыбакка, онно-манна улдьаарбакка сыалгытын көрдө-көрбүтүнэн бардаххытына, эйиэхэ тиийэр кыахтаах, дьыалабыай киһи аҕыйах. Харчы өттүгэр кыра ыктарыы баар буолуоҕа. Онтон атына барыта – кэминэн.
Скорпион
Бэнидиэнньиги “терпение и труд все перетрут” диэн дэбиистээх саҕалааҥ. Оччоҕо нэдиэлэ устата элбэҕи ситиһиэххит. Урукку өттүгэр куттанан ылсыбакка сылдьыбыт дьыалаҕытын бүтэрэн-оһорон кэбиһиэххит. Сэрэдэҕэ, дьэ, өһөс майгыҥ уһуктан кэлиэн сөп. Ардыгар чугас дьоҥҥут тылларын төрүт истибэккит, тус санааҕытын өрө тутаҕыт. Биир хамаанда буолуҥ, оччоҕо быдан элбэҕи ситиһиэххит.
Охчут
Бу нэдиэлэҕэ күүһүрүөҥ, бэйэҕэр эрэлиҥ улаатыа. Сорох түгэҥҥэ дьон болҕомтотугар олус наадыйар эбиккин. Бу нэдиэлэҕэ урут эйигин ахсарбат дьон кытта болҕомтоҕо ылыахтара, хайҕаан үөрдүөхтэрэ. Тус олоххор сулустар улахан уларыйыыны эрэннэрбэттэр. Арай ый бүтүүтэ бэлэх-туһах тутуоххун сөп. Чугас дьоҥҥун кытта кыра мөккүөр үөскээтэҕинэ – дириҥэтимэ. Кинилэр буруйдаах да буоллахтарына, аахсыма.
Чубуку
Нэдиэлэ саҥатыгар бэрт кыраттан ньиэрбинэйдээн баран, хас да күнү быһа кыыһыра-тымта сылдьыаххын сөп. Кыыһырбыккын уҕарыт, уоскуй: барыта кэминэн, олох-дьаһах этэҥҥэ устан иһэр. Хармаан чараас соҕус эрээри, соһуччу харчы кэлиэн сөп. Айан-сырыы табыллыыһы, суолгут аһаҕас. Таптал өттүгэр уларыйыы суох. Арай чугас киһигит эһиэхэ болҕомтото күүһүрбүтүн бэлиэтии көрүөххүт.
Күрүлгэн
Бу нэдиэлэҕэ эппиэтинэстээх быһаарыыны ылынар түгэн баар буолуоҕа. “Хайатын талабыт?” диэн мунаарыаххыт. Чугас дьоҥҥут, кэллиэгэлэргит сүбэлээн-амалаан көмөлөһө сатыахтара эрээри, бэйэҥ ис кыаххар, сэрэйэн көрөр дьоҕургар эрэн. Нэдиэлэ устатын тухары харчыны иэс биэримэ. Иэс биэрдэххитинэ, кэлэр ыйга харчы туруо суоҕа. Эккит-сииҥҥит ыараабыт курдук. Салгыҥҥа элбэхтик сылдьыҥ, хаамыҥ.
Балыктар
Буоларга-буолбакка болҕомтоҕун уурума, киһиэхэ барытыгар сүбэ-ама биэрэ, көмөлөһө сатаама. Ол эһиги эньиэргийэҕитин сиир. Нэдиэлэ маҥнайгы аҥаарыгар тымныйыаххын, күөмэйиҥ-кулгааҕыҥ ыалдьыан сөп. Онон, ичигэстик таҥна, харыстана сырыт. Чэппиэр, бээтинсэ чугас киһигитин кытта сыһыаҥҥытын тургутан көрүөҕэ. Нэдиэлэ бүтүүтүгэр өр ыра санаа оҥостубут малгытын атыылаһыаххыт.
