ГОРОСКОП (кулун тутар 14-20 күннэрэ)

 

Бу нэдиэлэҕэ хойдор бэйэлэрин матырыйаалынай боппуруостарын быһаарыынан дьарыктаныахтара. Бэрт ситиһиилээхтик. Ол түмүгэр туох эрэ улахан атыыны оҥорор харчыны булунуохтара. Дьахталлар – таҥас-сап, эр дьон тиэхиньикэ атыылаһыахтарын сөп. Бу үүммүт күҥҥэ-дьылга үп-харчы оҥоруутуттан атын боппуруоһунан дьарыктаммаккыт ордук. Өрөбүллэргэ тугу да гыммакка үчүгэйдик сынньаныҥ. 

 

 

Бэйэлэрин тас бодолорунан, көрүҥнэринэн дьарыктанар оҕустарга бэртээхэй нэдиэлэ үүммүт. Сотору сайын кэлиэ, халыҥ таҥас уһуллуо, онно ыран, кулуһун курдук дьулугураан тиийэргэ кыһаныллыахтаах. Ити эр дьоҥҥо да, дьахталларга да барыларыгар сыһыаннаах. Тас мөссүөҥҥүтүн, сирэйгитин-хараххытын сэргэхситтигит да, кэрэ да, күүстээх да аҥаар өттүттэн болҕомто улаатара туох да саарбаҕа суох.

 

 

Бу нэдиэлэҕэ игирэлэр аһара түбүгүрэллэрэ наадата суох. Кинилэр элбэхтик утуйуохтарын, сынньаныахтарын, холкутук сылдьыахтарын, олох-дьаһах туһунан уһуну-киэҥи толкуйдуохтарын наада. Быһата, ис туруктарын сааһылыахтаахтар. Дьиэ кэргэни уонна аймахтары кытта сыһыан барыта этэҥҥэ. Өрөбүллэргэ интэриниэти өрө мыҥаан олорбокко, ханна эрэ салгыҥҥа күүлэйдиир, билиини-көрүүнү кэҥэтэр ордук буолуо. 

 

 

Бу нэдиэлэҕэ араактар доҕотторуттан көмөнү-өйөбүлү ылан, доҕордуу сыһыан диэн тугун толору сыаналыахтара. Уопсайынан, урукку доҕоттору кытта бодоруһарга, саҥа табаарыстары буларга табыгастаах күн-дьыл үүммүт. Ол бодоруһуу интэриниэтинэн да буолуон сөп. Кэлэр кэмнээҕи былааннары оҥосторго үчүгэй кэм, онон күннээҕинэн олорума, уһуну-киэҥи толкуйдаа.

 

 

Бу нэдиэлэҕэ хахайдар атын дьонтон чорбойон көстөр, болҕомто киинигэр киирэр тугу эрэ оҥоруохтара. Холобур, ханнык эрэ айар куонкуруска кыайыахтарын, саҥа дуоһунаска ананыахтарын сөп. Олоххо чопчу сыаллаах-соруктаах, тугу баҕаралларын туһунан чуолкай өйдөбүллээх хахайдары ситиһии күүтэр. Кинилэри ханнык эрэ “ыйааһыннаах”, улахан сабыдыаллаах тойон-хотун дьон таба көрүөхтэрин сөп. 

 

 

Күннээҕи кыһалҕаны барытын умнан, хаалларан баран, кыыс ханна эрэ ыраах айаҥҥа турунуон сөп. Ол айан аһара бэркэ ааһар чинчилээх. Оттон ханна да айанныыр кыах суох буоллаҕына, кыыс күүһүн-кыаҕын үөрэххэ ыытыан наада. Тоҕо диэтэххэ, бу нэдиэлэҕэ кинилэр өйдөрө-санаалара тобуллан, үөрэҕи “ааһан иһэн” ылар кыахтаахтар. Кыыс өрөбүллэргэ элэктэриичэстибэттэн сэрэниэхтээх.

 

 

Ыйааһыннар бу нэдиэлэҕэ ис истэриттэн кычыгыланан туох эрэ дьиктини-дьээбэни оҥоруохтарын баҕараллар. Успуордунан, туризмынан, сиэкиһинэн дьарыктанарга бэртээхэй күн-дьыл. Бэйэлэрин ис баҕаларын хааччахтыа суохтаахтар. Бу нэдиэлэҕэ ыйааһыннар доруобуйаларын ис кыаҕа аһара улаатан, ханнык баҕарар ноҕуруусканы тулуйарга бэлэмнэр. Ол эрээри өрөбүллэргэ кэргэннэрин, кэллиэгэлэрин кытта иирсибэттэрэ наада.

 

Дьиэ кэргэн иһигэр сыһыан олус бэрт. Бу нэдиэлэҕэ скорпионнар сүрэхтэрин аҥаарын саҥа, сонун хаачыстыбатын арыйыахтара. Ол түмүгэр дьиэ кэргэн иһигэр истиҥ сыһыан, хардарыта ытыктабыл күүһүрэн кэлиэ. Кэргэннээх скорпионнар бу күннэргэ ханнык эрэ бырааһынньыкка, үбүлүөйгэ, сыбаайбаҕа уо.д.а. сылдьаллара наада. Сулумах скорпионнар бу нэдиэлэҕэ ыал буолуохтарын сөп.

 

 

Доруобуйаҕытын көрүнүҥ. Бу нэдиэлэҕэ эккит-хааҥҥыт олус чэгиэн-чиргэл туруктаах, ону туһанан уруккуттан буулаабыт архах ыарыыгытын эмтэтэн кэбиһиэххитин сөп. Кыра эпэрээссийэни эҥин... Күннээҕи былааннаргытыгар доруобуйаны туругурдар дьарыктары киллэрэн биэриҥ. Успуорт саалатыгар сылдьыҥ, сэрээккэлээҥ, аскытын-үөлгүтүн көрүнүҥ.

 

 

Таптаһар чубукуларга бу муҥутуур дьоллоох кэм. Кинилэр таптыыр киһилэрин кытта сыһыаннара муҥутуур чыпчаалга тахсыаҕа. Бу нэдиэлэ таптаһар эрэ дьоҥҥо буолбакка, оҕолоох ыал дьоҥҥо эмиэ улахан иэйии-куойуу, ымманыйыы аҥаардаах ааһыа. 

Быһата, бу – таптал нэдиэлэтэ. Чубукулар истиҥ тапталы чугас дьонноруттан, оҕолоруттан, аймахтарыттан барыларыттан ылан дуоһуйуохтара. 

 

Күрүлгэн 

 

Бу нэдиэлэҕэ күрүлгэн сүрүн болҕомтотун дьиэ-уот боппуруостарыгар туһаайара ордук. Дьиэ-кэргэн олоҕо – этэҥҥэ. Аймахтары кытта уустук сыһыан баар буоллаҕына, ону көннөрөргө саамай табыгастаах кэм. Дьиэ кэргэн иһигэр ил-эйэ, истиҥ сыһыан олохтоммутун түмүгэр, дьиэ иһинээҕи ханнык баҕарар уустук боппуруостары холкутук быһааран кэбиһиэххэ сөп. Дьиэнэн бырааһынньыктыырга, ыалдьыттары көрсөргө үчүгэй нэдиэлэ.

 

 

Айанныырга саамай үтүө кэм. Саҥа сиргэ сылдьан дьон бөҕөнү көрсүөххүт, элбэх саҥаны-сонуну билиэххит. Саҥа сиргэ сылдьан көрсүбүт арамаантыкалаах сыһыаҥҥыт кэлин өссө дириҥээн, атын таһымҥа тахсыан сөп. Үөрэнэргэ, дьыаланы-куолуну толорорго үчүгэй кэм. Өрөбүллэргэ маҕаһыыннарга сылдьыбатаххыт ордук. Харчыгын туһата суох матайдыыр эбэтэр уордарар кутталлааххын.