Хой
Бу нэдиэлэ хойдорго үүт-турааннык ааһыа, туох да мэһэй-тэһэй, кыһалҕа үөскүө суоҕа. Нэдиэлэ бастакы аҥаарыгар уруккуттан быһаарыллыбакка сылдьыбыт бытархай боппуруостаргын ыпсар, толор. Нэдиэлэ ортотугар үлэҕэ-хамнаска обургу соҕус ситиһии күүтэр, бириэмийэ да кэлиэн сөп. Бээтинсэҕэ дьыалабыай кэпсэтиилэри ыытыма, улахан тугу да атыылаһыма. Өрөбүлгэ иирсээн, кыыһырсыы күүтэр. Табыллар күннэр – 23, 24, 27.
Оҕус
Нэдиэлэ ортотугар диэри улахан суолталаах тугу да былааннаама – син биир кыайыаҥ суоҕа. Настарыанньа эмиэ ол сиэринэн, хобдох. Бээтинсэттэн саҕалаан дьэ сэргэхсийэн, тупсан барыаҥ. Харчы көстөр. Нэдиэлэ бүтүүтэ дьонноох-сэргэлээх сирдэргэ сылдьан сынньан, көрүлээ, ыалдьыттаа. Өрөбүл күн ханнык да дьыалабыай боппуруоһу быһаара сатаама, сытан сынньаммытыҥ ордук. Табыллар күннэр – 25, 26.
Игирэлэр
Нэдиэлэ бастакы аҥаарыгар, бэйэҥ болҕомтото суоххуттан, араас алҕас бөҕөнү оҥоруоҥ, уустуктары көрсүөҥ. Ол өссө кырата... Саамай улахан эрэй-буруй сэрэдэҕэ-чэппиэргэ күүтэр. Бу күн иирсээн, этиһии, хаһыы-ыһыы бөҕөнү көрүөҥ. Онтон сылтаан араас дьарҕа ыарыыларыҥ көбөн кэлэр чинчилээхтэр. Нэдиэлэ иккис аҥаарыгар сыыйа чөлгөр түһэн, тупсан барыаҥ. Өрөбүлгэ үчүгэй сонуннары истиэҥ, ситиһии көстөр. Табыллар күн – 27.
Араак
Бэнидиэнньиктэн чэппиэргэ диэри тус олоххо үтүө күннэр туруохтара. Ордук – “сүрэх аҥаарын” буларга. Нэдиэлэ икки бастакы күнүгэр олоҕун аргыһын көрдүү барбыт киһи кыайыы-хотуу аргыстанара – 100 % мэктиэлэнэр. Бу икки күн иһигэр араак кими баҕарар кытта уопсай тылы булар, тапсар, бодоруһар кыахтаах. Ситиһии ол икки күнүнэн бүтэр. Нэдиэлэ тобоҕо барыта ньаҕай-ньоҕой, кыһалҕа аргыстаах ааһыан сөп. Табыллар күннэр – 21, 22.
Хахай
Тус олоххо сыһыаннаах элбэх интэриэһинэй түгэн күүтэр. Ол эрээри, нэдиэлэ бастакы күннэрэ чуҥкук буолуохтара. Кыыһырсыы, кыҥкыйдаһыы, күнүүлэһии баар буолуо. Оттон сэрэдэттэн саҕалаан үөрүү-көтүү, соһуччу бэлэхтэр аргыстаһан барыахтара. Оттон өрөбүлгэ былааннаммыт дьыала тохтуута, кыһыйыы-абарыы, соһуччу бүдүрүйүү күүтэр. Онон, бу күнү дьиэҕитигэр олорон атаарбыккыт ордук буолуо. Табыллар күннэр – 23, 24.
Кыыс
Нэдиэлэ икки бастакы күнүгэр үлэ-хамнас тигинэччи, бэрт таһаарыылаахтык баран иһиэ. Арай сэрэдэҕэ-чэппиэргэ партнердары, сааһырбыт аймахтары кытта кыыһырсыы, өйдөһүспэт буолуу көбөн кэлэр чинчилээх. Ол эрээри бээтинсэҕэ барыта көнүө, тупсуо. Сулумах кыыс бу кэмҥэ тус олоҕор улахан ситиһиилэниэ, болҕомто киинигэр сылдьыа.
Табыллар күннэр – 21, 22, 25, 26.
Ыйааһын
Ыйааһын бу нэдиэлэни олус тэтимнээхтик, кыайыы-хотуу аргыстаахтык аһарыа. Нэдиэлэ бастакы аҥаарыгар ыйааһын туох эрэ улахан атыыны, дьыалабыай кэпсэтиини оҥоруон, үбү-харчыны эргитиэн сөп. Нэдиэлэ ортото – ыраах айаҥҥа барарга, дьыаланы быһаарарга табыгастаах кэм. Арай өрөбүллэргэ аймахтары эбэтэр дьыалабыай партнердары кытта өйдөспөт быһыы-майгы үөскүө. Табыллар күннэр – 23, 24, 27.
Скорпион
Нэдиэлэ саҕаланыыта – ыра санааны олоххо киллэрэргэ бэртээхэй кэм. Нэдиэлэ ортото саҥа үлэни, эбии хамнастанар сири буларга, үбү-харчыны эргитэргэ аһара бэрт кэм. Нэдиэлэни быһа тигинэччи хамсанан боппуруос бөҕөтүн быһаарыаххыт, туһалаах дьону кытта билсиэххит. Өрөбүл күҥҥэ тус олоххутугар сыһыаннаах боппуруостары быһаара сатаама – туһата суох.
Табыллар күннэр – 21, 22, 25, 26.
Охчут
Олох бары эйгэтигэр улуу дьыалалары оҥорорго ааттаах нэдиэлэ. Тугу туппуккут барыта табыллан иһиэ. Тугу да саарбахтаабакка, харса суох туттан-хаптан, киирэн-тахсан эрэ иһиэххитин наада. Бу нэдиэлэҕэ саҕаламмыт дьыала барыта кыайыы-хотуу аргыстаах барыаҕа. Бээтинсэҕэ дохуоккутун элбэтэр соруктары толоруҥ, былааннааҥ. Өрөбүллэргэ дуоһуйа сынньаныҥ, көрүлээҥ.
Табыллар күннэр – 23, 24, 27.
Чубуку
Чубукуларга – дьоллоох нэдиэлэ. Төһө баҕарар уустук, ыарахан соруктары толкуйдуу да барбакка быһааран иһиҥ. Син биир табыллыа. Чугас дьоҥҥун кытта сүбэлэс – көмөлөһүөхтэрэ. Саамай улахан, ону ааһан сөҕүмэр табыллыы бээтинсэҕэ уонна субуотаҕа күүтэр. Таас хайаны да суулларар кыахтааххыт. Өрөбүллэргэ маҕаһыыннарга сырыт, хантан эрэ эбии харчы киирэр чинчилээх. Бу нэдиэлэҕэ “табыллыбат күн” эҥин диэн суох. Табыллар күннэр – 21, 22, 25, 26.
Күрүлгэн
Бу нэдиэлэ барыта үлэни, хамнаһы кытта сибээстээх буолуоҕа. Нэдиэлэ саҕаланыыта үлэҕэр иирсээнтэн сэрэн, аһара биллэ-көстө сатаама, салалтаҥ санаата манньыйарын, сымныырын күүт. Урбаанньыт күрүлгэннэр нэдиэлэ саҥатыгар туох да улахан дьыаланы былааннаамаҥ. Сэрэдэттэн саҕалаан, дьэ, туох барыта табыллан барыа: үлэ-хамнас, дьоннуун сыһыан, үп-харчы... Өрөбүл күннэргэ үөрүүлээх сюрприз күүтэр, тото сынньан. Табыллар күннэр – 23, 24, 27.
Балыктар
Нэдиэлэ саҕаланыыта үбү-харчыны, карьераны кытта сыһыаннаах боппуруостары былааннаа. Ол былаан олоххо киирэрин туох да мэһэйдээбэт. Нэдиэлэ ортотугар үлэҕэр болҕомтолоох буол, тугу эрэ сыыһар кутталлааххын. Ыарахан сыаналаах тугу да атыылаһыма – холтуура табаар түбэһиэ. Өрөбүллэри үчүгэй дьону кытта алтыһан-кэпсэтэн атаарбытыҥ ордук.
Табыллар күннэр – 21, 22.
