Хой
Нэдиэлэ саҕаланыытыгар хойдор бэрт тэтимнээхтик хамсанан-имсэнэн, араас идиэйэлэринэн ыһыахтанан, олохторун бары тутаах хайысхаларыгар үтүө уларытыылары киллэриэхтэрэ. Бу кэмҥэ кинилэр урут кыайтарбакка сылдьыбыт былааннарын барытын олоххо киллэрэр кыахтаахтар. Биллэн турар, ол элбэх сыраны-хараны эрэйиэҕэ. Нэдиэлэ иккис аҥаара, өрөбүллэр – чуумпуга сытан сынньанарга, уһуну-киэҥи анаарарга үтүө күннэр.
Оҕустар
Бу нэдиэлэҕэ оҕустар тугу эрэ гыныахтарын, оҥоруохтарын аһара баҕараллар эрээри, туох да кыайтаран быстыбат. Туох эрэ мэһэйдиир, санааларын туох эрэ баттыыр, туохтан эрэ дьаарханаллар. Ол иһигэр кинилэр хайдах да дьайар, уларытар кыахтара суох мунаах, өйдөммөт балаһыанньата үөскүөн сөп. Нэдиэлэ барыта ол курдук санаа баттыктаах ааһыа. Доруобуйаҕытын көрүнүҥ. Өрөбүллэргэ сынньаныҥ, дьону кытта алтыһыҥ.
Игирэлэр
Нэдиэлэ бастакы аҥаарыгар игирэлэри түһүү-тахсыы, сахсыллыы бөҕө күүтэр. Олоххутун тосту уларыта, туох эрэ саҥа сонун иэйиини була сатаан, араас дьыалаҕа барытыгар ылсан көрүөххүт. Ол курдук, ким эрэ волонтердуу барыа, ким эрэ баартыйаҕа киириэ, ким эрэ быыбарга киирсэрин толкуйдуо... Ол түмүгэр, саҥа дьон бөҕөтүн кытта билсиэххит, кимниин эрэ доҕордоһуоххут. Саҥа үлэни буларга табыгастаах нэдиэлэ.
Араак
Нэдиэлэ саҕаланыытыгар үлэҕэр, карьераҕар хамсааһыннар тахсыахтарын сөп. Ол курдук, үлэлиир тэрилтэҕитигэр, салалтаҕытыгар уларыйыы тахсыа. Онон, өйдөөн-төйдөөн дьаһаннаххытына сатанар. Ол эрээри туох да соһуччу, улахан хардыыны, хамсаныыны оҥорума – бу нэдиэлэҕэ син биир туох да күттүөннээҕи толкуйдуур-тобулар кыаҕыҥ суох. Үлэҕэр ити курдук мунаах балаһыанньа үөскээбитэ дьиэ кэргэниҥ сыһыаныгар эмиэ дьайыа.
Хахай
Нэдиэлэ бастакы аҥаарыгар суут-сокуон ирдэбилин үчүгэйдик тутуһа сатаа, тоҕо диэтэххэ, бу кэмҥэ быраабы араҥаччылыыр уорганнары кытта бэрдэ суох алтыһыы-аалсыһыы үөскүөн сөп. Суол быраабылатын кэһимэ, уопсастыбаннай сиргэ бэйэ бодоҕун тардынан сырыт, куһаҕан дьонтон дьалты буол. Үөрэнэр дьоҥҥо бу эмиэ табыгаһа суох кэм. Үөрэх кыайтарымыан сөп. Нэдиэлэ бүтүүтүн диэки харчы көстөр.
Кыыс
Бу кэрдиис кэм бастакы аҥаарыгар ханна да ыксаама, тугу барытын үчүгэйдик толкуйдаан баран, оҥор. Ыксалгыттан, тулуура суоххуттан араас мөкү быһылааҥҥа түбэһиэххин сөп. Суолга массыынаттан сэрэнэн сырыт, халтархай сиртэн, биилээхтэн-уһуктаахтан сэрэн. Балыыһаҕа сылдьа сатаама. Бу үпкэ-харчыга эмиэ бэрдэ суох кэм. Нэдиэлэ иккис аҥаара дьиэ кэргэҥҥэ аһара бэркэ, тапталга-ытыктабылга уйдаран ааһыа.
Ыйааһын
Кэргэниҥ араас солуута суох, толоос быһыыта-майгыта ньиэрбэҕэр оонньуо. Этэҥҥэ салгыы олоруоххутун баҕарар буоллаххына, ону барытын тулуйа сатаа. Сыбаайбаны, үбүлүөйү, араас дьоро киэһэни тэрийэргэ табыгаһа суох кэм. Уустук сыһыаннаах ыалларга элбэх иирсээн, кыыһырсыы баар буолуон сөп. Нэдиэлэ иккис аҥаара, ордук өрөбүллэр, үлэҕэ-хамнаска ситиһии эҥээрдээх ааһыахтара.
Скорпион
Үлэҕэр элбэх ноҕурууска, тыҥааһын күүтэр. Салалтаҥ олус дьаныһан туран үлэҥ түмүгүн ирдиир, ыксатар. Онтон сылтаан аһара долгуйан доруобуйаҥ кытта алларыйыан сөп. Үлэ диэн үлэ, оттон доруобуйаҥ биирдэ эрэ бэриллэрин умнума. Бэйэҕин харыстан. Нэдиэлэ иккис аҥаарыгар тус олоҕуҥ биллэ тупсуо. Таптал, иэйии, бэлэх-туһах, кэһии, дьиэлээх дьонуҥ ситиһиилэриттэн үөрүү күүтэр.
Охчут
Нэдиэлэ бастакы аҥаарын, тугу барытын умнан туран, айар үлэ умсулҕаныгар атаарыаҥ. Элбэх долгуйуу, дьикти дьоннуун билсии-көрсүү күүтэр. Тус олоххуттан хал буолан, саҥа сыһыаны көрдүөҥ эрээри... Ол кэскилэ суох буолуо. Нэдиэлэ иккис аҥаарыгар дьиэ кэргэниҥ иһигэр сыһыан лаппа тупсуо, үп-харчы туруга бөҕөргүө.
Чубуку
Нэдиэлэ бастакы аҥаарыгар чубукулар олохторугар-дьаһахтарыгар уларыйыылар тахсыахтара. Холобур, дьиэҕэр өрөмүөн оҥосто сылдьар буоллаххына, ыксаама. Эн билигин тугу эрэ наһаа баҕара, туохха эрэ аһара дьулуһа сылдьаргын сарсын бэйэҥ “Акаары да эбиппин, туһата суохха сордоммуппун” диэн бэркиһиэҥ. Нэдиэлэ бүтүүтэ үөрэххэ, саҥа билсиигэ, ханна эрэ баран сынньанарга үчүгэй кэм. Доҕотторгун илдьэ сынньана таҕыс.
Күрүлгэн
Чугас дьоҥҥутун кытта элбэхтик алтыһыаххыт. Билэр-билбэт дьоҥҥут бөҕө төлөпүөнүнэн эрийэн көмө, сүбэ-ама көрдүөхтэрэ, харчы умналыахтара. Ситэ толкуйдаабакка эрэ, кимиэхэ да тугу да эрэннэримэ. Бэйэҥ кыаммат дьыалаҕар киирэн биэриэххин, күндү-көмүс бириэмэҕин барытын атын дьон кыһалҕатын быһаарыыга ыытыаххын сөп. Онон, кыаллыбат дьыалаҕыттан тута батынан кэбис. Нэдиэлэ бүтүүтүгэр үп-харчы туруга тупсуо.
Балыктар
Нэдиэлэ саҕаланыытыгар үпкэ-харчыга ыктарыы бөҕө күүтэр. Харчы кэлэ-кэлэ, уу курдук төттөрү сүүрэ турар. Былааҥҥа киирбэтэх ороскуот: харчы сүтүүтэ, мал-сал алдьаныыта – элбэх буолуо. Чугас дьоҥҥор тугу да бэлэхтии сатаама: ол туох да туһата суох харчы матайдааһына. Нэдиэлэ бүтүүтэ балык эр дьоҥҥо – дьахталларга, балык дьахталларга – эр дьоҥҥо, “успех” бөҕө күүтэр. Имиджи уларытарга үчүгэй кэм.
