Парасковья Стручкова - Саһарҕа

Ийэм биэрбит энньэтэ,
Сүөһү төрдө буолбута,
Сүөгэйдиирим барахсан
Төрүөх бөҕө биэрбитэ.

Дэдэйбитин көрүмэн,
Сүөгэй үүтү биэриэҕэ
Хаһаас гына таптайыам
Кыһын сиирбин арыылыам.

Оҕусчаанын иитэммин,
Көлүүр оҕус оҥостуом,
Оппор,маспар туһаныам
Саха ыала дэттэриэм

Сорохторун ордорон,
Эмис эти мэтийиэм,
Доруобуйам тупсуоҕа,
Бэйэ аһын аһааммын.

Маҕаһыыны манаабакка,
Эти,үүтү ылбакка,
Оҥорбуппун,туппупун,
Астынаммын аһыаҕым.

Саха төрүт сүөһүтэ,
Сайдар,үүнэр кэскиллээх,
Салайааччы да өйдүө,
Саха ыалын көмүскүө

Киирэр,тахсар харчыттан,
Кырыйталаан ылаҥҥыт,
Сахам төрүт сүөһүтүн,
Дэлэтэргэ турунун

Мэҥэ-Хаҥалас, Нуораҕана.