Бүгүн Саха сирин кэккэ улууһугар хаардыаҕа. Кэбээйигэ, Анаабырга уонна Булуҥҥа, ону тэҥэ өрөспүүбүлүкэ хотугулуу-арҕааҥҥы, арҕааҥҥы, соҕурууҥҥу уонна соҕурууҥҥу-арҕааҥҥы улуустарыгар тыалырыаҕа. Ол туһунан Саха сирин олохтоохторугар ЯУГМС иһитиннэрэр.
Кэбээйи улууһугар тыал күүһүрэн ылар кэмигэр сөкүүндэҕэ 15 – 18 миэтэрэ түргэннээхтик, Анаабырга уонна Булуҥҥа – 17 – 22 миэтэрэ түргэннээхтик үрүөҕэ. Сорох сиргэ сөкүүндэҕэ 8 – 13 миэтэрэҕэ тиийиэҕэ.
Нерюнгрига, Алдаҥҥа, Өлүөхүмэҕэ, Ленскэйгэ, Өлөөҥҥө уонна Бүлүү сүнньүгэр кыралаан хаардыаҕа.
Киин улуустарга салгын тэмпэрэтиирэтэ түүнүн -4...+1 кыраадыс буолуоҕа. Хотугулуу илин – -13... -8, Арктика кытылыгар – -15... -10, халлаан дьайҕаран ылар кэмигэр – -25. Муус устар 22 күнүгэр күнүс Саха сирин киин өттүгэр +6...+11, хотугу өттүгэр – 0...+5, хотугу улуустарга тымныйан ылар кэмигэр – -11 кыраадыс.
Аан күҥҥэ (бэнидиэнньиккэ) Дьокуускай куоракка салгын тэмпэрэтиирэтэ күнүс +9 кыраадыска диэри тахсыаҕа. Былыттаах эрээри, сөҥүү түһэрэ күүтүллүбэт, сөкүүндэҕэ 4 – 9 миэтэр түргэннээх тыаллаах.
