Киирии

Киирии

Амма өрүскэ уу таһыма историческай кирбиини 21 см куоһарда уонна 11 м. 5 см. тэҥнэстэ. Бу туһунан Арассыыйа ЫБММ Саха сиринээҕи Сүрүн управлениета иһитиннэрэр.

“Бээтинсэ сарсыарда 10 ч. туругунан, Амма өрүскэ уу таһыма 11 м. 5 см. тиийдэ. Амма улууһугар 4 нэһилиэк ууга барда. Уу ылбыт сиригэр 1 121 киһи олорор”, - диэн ЫБММ иһитиннэрэр.

Биэдэмистибэҕэ быһаарбыттарынан, уу таһыма өссө да үрдүүр чинчилээх. “Муус харар түгэнигэр, уу таһыма өссө улаатар кутталлаах. Оччоҕуна Амма, Чапчылҕан, Абаҕа, Мээндиги нэһилиэктэрин уу өссө ылыан сөп. 12 м. тиийдэҕинэ, 4 нэһилиэнньэлээх пууннарга 451 уһаайба, ол иһигэр 296 олорор дьиэ ууга барар кутталлаах. Онно 1351 киһи, ол иһигэр 309 оҕо олорор”, - диэн тиэрдэллэр.

Санатар буоллахха, Амма өрүскэ улахан уу 1980-с сс. кэлбитэ. Оччолорго уу муҥутуур таһыма 10 м. 84 см. тэҥнэспитэ.

Тарҕат:

Комментарии

Защитный код Обновить