Киирии

Киирии

Саха сирин Үрдүкү суутугар кикбоксиҥҥа аан дойду үс төгүллээх чөмпүйүөнүн Иннокентий Макаровы өлөрүүгэ тэриллибит холуобунай дьыалатынан ааһынар үҥсүүлэри көрүү түмүктэннэ.

Суут Степановы буруйдааҕынан аахта уонна 9 сылтан 10 сылга диэри кытаанах эрэсиимнээх холуонньаҕа хаайарга болдьоҕун уһатта. Борокуратуура болдьоҕу 13 сылга диэри уһатары ирдээбитэ.

Санатар буоллахха, Степанов Дьокуускай куораттааҕы суут бириигэбэрин кытары сөбүлэспэтэҕэ. Куораттааҕы суут 9 сыл кытаанах эрэсиимнээх көннөрөр холуонньаҕа бириигэбэрдээбитэ. Кини уонна көмүскээччилэрэ тохсунньу 16 күнүгэр суут быһаарыытыгар үҥсүү түһэрбиттэр. Дьыалаҕа иккис эппиэттээччи Острелин С.К.эмиэ ааһыныы биэрбит. Кинини буруйу кистээбитин иһин буруйдааҕынан аахпыттар уонна 180 тыһыынча ыстараап төлүүргэ бириигэбэрдээбиттэр.

Буруйу оҥоруу 2017 сыл сэтинньи 5 күнүгэр буолбута. Сууттанааччы кыыһырсан баран, Макаровы хаста да быһаҕынан аспыт. Ол кэннэ, спортсмен өлүгүн Бүлүүлүүр суол 45-с км илдьэн, хаарга кистээбиттэрэ.

Тарҕат:

Комментарии

Защитный код Обновить