Киирии

Киирии

Арассыыйа Тутууга министиэристибэтэ “Ипотека уонна куортам” бырайыак чэрчитинэн уонна эдэр ыаллары дьиэнэн хааччыйыы былаанынан 2019 сылга дьиэни тутууга федеральнай субсидияны эрэгийиэннэртэн хомуйан саҕалаабытын иһитиннэрэр.

Бу дьаһаллар «Обеспечение доступным и комфортным жильем и коммунальными услугами граждан Российской Федерации» судаарыстыбаннай бырагыраама чэрчитинэн ыытыллаллар. Инньэ гынан, эрэгийиэннэр саҥа олорор дьиэ түөлбэтин тутарга инфраструктура бырайыагын хааччыйыыга уонна эдэр ыаллары олорор дьиэнэн хааччыйыыга дьаһал чэрчитинэн (35 саастарын туола илик эдэр ыал ипотекатын сабыыга уонна дьиэ туттарга көмө харчыны биэриигэ) федеральнай субсидияны ылыахтара.

СӨ Архитектураҕа уонна тутуу комплексыгар министиэристибэтэ дойду тутууга министиэристибэтин кытары бу хайысхаҕа утумнаахтык үлэлиир. Ол курдук, 2006 сылтан ыла өрөспүүбүлүкэҕэ 5 266 эдэр ыал олорор дьиэлэрин тупсарыммыттар. Маныаха федеральнай, өрөспүүбүлүкэ уонна олохтоох бүддьүөттэн 3 млрд 398 мөл. солк. көрүллүбүт.

Быйыл эдэрдэри дьиэнэн хааччыйыыга 32 муниципальнай тэриллии кыттар, субсидияны 450-тан тахса эдэр ыал ылыаҕа. Билигин эһиилги сылга бу субсидияны ыларга СӨ Архитектураҕа уонна тутууга министиэристибэтэ сайаапкалары ылан саҕалаата.

Тарҕат:

Ырытыыгын суруй

Защитный код
Обновить