Киирии

Киирии

“Якутск Вечерний” хаһыат шеф-эрэдээктэрэ, биир идэлээхпит, суруналыыстыка аксакала Леонид Левин бу сыл түмүгүнэн СМИ эйгэтигэр РФ Бырабыыталыстыбатын бириэмийэтин ылла. Леонид Ирмовичка маннык улахан бириэмийэни биэрэр туһунан ыйаахха дойду премьер-миниистирэ Дмитрий Медведев илии баттаата.

Наҕараадалары үөрүүлээх быһыыга-майгыга туттарыы 2019 сыл тохсунньу 14 күнүгэр РФ Бырабыыталыстыбатын Көрсөр саалатыгар буолуоҕа. Маннык улахан бириэмийэ кыайыылаахтарынан 14 лауреат ааттанна, ол иһигэр: НТВ, “Пятница” телеканаллар, “Комсомольская правда”, “Новая газета” хаһыаттар, “Наука и жизнь” сурунаал уо.д.а.

       “Якутск Вечерний” РФ Бырабыыталыстыбатыттан иккис наҕараадата буолар. Владимир Путин илии баттааһыннаах аан бастакы бириэмийэни 2010 сыллаахха туттарбыттара.

Ытыктабыллаах биир идэлээхпитигэр, ыкса доҕорбутугар Леонид Ирмовичка маннык улахан наҕарааданы ылбыккынан уонна кэлэн иһэр Саҥа Дьылынан итиитик-истиҥник эҕэрдэлиибит! Эйиэхэ чэгиэн доруобуйаны, уһун, дьоллоох олоҕу баҕарабыт!

Тарҕат:

Комментарии

Защитный код Обновить

Бүтэһик сонуннар