Киирии

Киирии

Кулун тутар 5 күнүгэр Горнай улууһун Бэрдьигэстээҕэр кыраайы үөрэтэр түмэлгэ, суоппарынан үлэлиир Николай Афанасьев быысыбайдаан оҥорбут үлэлэрин быыстапкатын арыллыыта буолан ааста.

Николай 2012 сыллаахтан эр киһиэхэ бэрт ураты дьарыгынан үлүһүйбүт. Үлэтиттэн, дьиэ-уот бүппэт түбүгүттэн быыс булан арааһы барытын быысыбайдыыр эбит. Номнуо 20 тахса үлэтин быыстапкаҕа туруорда. Онон кэрэ аҥаардар күннэринэн биир дойдулаахтарыгар сонун бэлэҕи оҥордо. Николай хайдах быысыбайдыырга үөрэммитин, тоҕо бу дьарыгы сөбүлээбитин туһунан маннык кылгастык кэпсиир:

Биир үтүө күн эдьиийим Акулина Николаевна быысыбайдыырын көрөммүн үөрэниэхпин баҕарбытым. Ол кэмтэн ыла номнуо сэттэ сыл ааста. Ордук кыһыҥҥы кэмҥэ дьарыктанабын. Үлэлэрбин үмүрүтэн баран киэһээтин маннык быысыбайдыыбын. Оннук гынан иллэҥ кэммин туһалаахтык атаарабын. Киһи өйдүүн-санаалыын, дууһалыын олус сынньанар, уоскуйар эбит. Кэргэммэр түмэл үлэһиттэрэ быыстапка оҥоруохха диэн этии киллэрбиттэригэр үөрүүнү кытта сөбүлэспитим. Быыстапка биир ый туруохтаах. Онон биир дойдулаахтарбын уонна ыалдьыттары кыраайы үөрэтэр түмэлгэ ыҥырабын”.

20190306 162306

20190306 162603

20190306 162745

20190306 162645

20190306 162627

IMG 20190306 WA0046

Николай былаана киэҥ. Аны кыһын өссө да элбэх, кэрэ үлэлэр кини илиитин иминэн ситэн-хотон, “төрөөн” тахсыахтара буоллаҕа.

 

Венера Охлопкова

Тарҕат:

Комментарии

Защитный код Обновить