Баһаартан түөрт оҕону быыһаабыт кырачаан Ариан Алексеевка, дойду бэрэсидьиэнин Владимир Путин аатыттан “Баһаарга хорсун быһыытын иһин” диэн мэтээли Ил Дархан Айсен Николаев туттарда.
Санатар буоллахха, оскуола үөрэнээччитэ Ариан Алексеев ааспыт сыл сэтинньи 18 күнүгэр түөрт кыра оҕону баһаартан быһаабыта. Дьиэҕэ уот тахсыбытын көрөн Ариан уолуйан хаалбакка, утуйа сытар оҕолору уһугуннаран түннүгүнэн таһаартаабыт. Онтон ыалларыгар тиийэн тыллаабыт.
Үөрүүлээх тэрээһиҥҥэ кырачаан дьоруойу дохсун ытыс тыаһынан көрүстүлэр.
