Лизинг ньыматынан наадалаах тэрили (оборудование) атыылаһан саҥа бырайыактары олоххо киллэриэххэ эбэтэр үлэлии турар бырайыагы өссө хорутуулаахтык үлэлэтиэххэ сөп. Дьоҕус уонна орто тэрилтэҕэ лизинг табыгастааҕа диэн, нолуок төлөбүрүгэр барыһырыахха уонна НДС төнүннэриэххэ сөп. Маны таһынан сөбүлэҥ ыраастык барарыгар эрэллээх буолаллар.
“ТаймЛизинг” лизинг хампаанньатын исписэлиистэрэ араас эйгэҕэ бырайыактары үлэлэтэргэ наадалаах тэриллэри – удамыр да, ботуччу да сыаналаахтары – атыылаһары үбүлүүр. Ол курдук, бу хампаанньа үбүлээһининэн туһанан маннык хайысхаларга тэриллэри атыылаһар кыахтааххыт:– тутуу үлэтигэр;– бырамыысыланнас тэрилтэлэригэр, комлекстарыгар;– ас бырамыысыланнаһыгар;– дьиэ-уот, хомунаалынай хаһаайыстыбаҕа;– ойуур маһын бэлэмнииргэ (заготовка леса);– сиртэн хостонор туһалаах баайы хостуурга;– онтон да атын араас эйгэҕэ сыһыаннаах бырайыакка.
2023 сылга “ТаймЛизинг” менеджердэрэ тэрил атыытын үбүлүүргэ 450-тан тахса сөбүлэҥ түһэрсибиттэрэ, ол түһэрсибиттэрин уопсай ахсааныттан 20 %-нын ылар. 2022, 2021 сс. бу көрдөрүү 21 %-ҥа, 23 %-ҥа тэҥнэспитэ. Дьон тэрили атыылаһара сыл аайы биир тэҥ, халбаҥнаабат: урбааннарын сайынналларыгар-кэҥэтэллэригэр үстүрүмүөн хайаан да наада, оттон лизинг ньыматынан үбүлээһини туһанан тэрили атыылаһар быдан көдьүүстээх.
Лизинг ньыматын туһанан ордук элбэхтик машиностроительнай, металлообрабатывающай уонна металлургическай тэриллэри атыылаһаллар. Маны таһынан ыйанар олордуллар (навесной) тэриллэргэ дьон эмиэ улаханнык наадыйара көстөр. Үлэ көдьүүһүн улаатыннарар уонна КПД көрдөрүүтүн үрдэтэр. Ыйанар тэрили үгүстүк тыа хаһаайыстыбатыгар эбэтэр сир баайын хостуурга туһаналлар. Урбаан бу хайысхаларыгар үстүрүмүөнү талыы дьыл кэмиттэн уонна килиимэт хайдах уларыйарыттан тутулуктаах. Холобур, оннукка оҕуруот, үүнээйи аһын хомуйарга аналлаах тэриллэр киирэллэр. “ТаймЛизинг” исписэлиистэрэ лизинг төлөбүрүн дьыл кэмин учуоттаан анал кыраапыгы оҥоруохтарын сөп. Быһааран эттэххэ, төлөбүр суумата кыра дохуоту киллэрэр ыйдарга аччаан биэрэр, оттон үп-харчы хото киирэр ыйдарыгар – улаатар.
“ТаймЛизинг” ураты тэриллэри эмиэ үбүлүүр. Холобур, үүт тиэйэр таксыылар (торбостору аһатарга бэйэтинэн сүүрэ сылдьар тэрил), араас матырыйаалга герметиги, килиэйи биһэргэ туттуллар роботтар, араамалаах богуон-дьиэлэр, муус генератордара, бэл, тырааныспар айанныыр, хомуллар муосталара.
2023 сыл бүтүүтүгэр “ТаймЛизинг” Забайкальскай кыраай бөдөҥ тутар хампаанньата маҕыньыыт опалубка кэмпилиэгин атыылаһарын үбүлээбитэ. Килийиэн эрэгийиэҥҥэ дьиэни-уоту тутуунан дьарыгырар.
2023 сылга хампаанньа саамай улахан бырайыага Саха сиригэр икки саҥа балыыһа тэрилинэн хааччылларын үбүлээбитэ буолар. Сөбүлэҥ уратыта – НДС төлөммөт. Манна наадалаах мэдиссиинэ тэриллэрэ РФ Бырабыыталыстыбата бигэргэппит анал испииһэгэр киирэллэр. Лизинг хампаанньалара бу тэриллэри эбиллибит сууматыгар нолуога суох үбүлүүр. Маны таһынан атын дойдуттан кэлбит мэдиссиинэ тэриллэрин эмиэ НДС төлөбүрэ суох дуогабардаһаллар.
“ТаймЛизинг” килийиэннэри кытта үлэлэһэр менеджерэ Вероника Эрли хампаанньа көмөтүнэн мэдиссиинэ икки тэрилтэтэ тэрилинэн хайдах толору хааччыллыбытын туһунан кэпсээтэ:– Бу килииньикэлэр иккиэн Саха сиригэр бааллар. Бастакы килииньикэ 2024 сыл олунньутугар арыллыбыта, номнуо килийиэннэри көрөн эрэр. Иккиһэ сотору аһыллыаҕа.Бу тэрилтэлэр араас өҥөнү оҥорор тэриллэринэн хааччылыннылар: стоматология кэбиниэттэриттэн саҕалаан кардиология, нефрология отделениеларыгар тиийэ. Килийиэннэр 1 сыл болдьоххо дуогабары түһэрсибиттэрэ. Мэдиссиинэ тэриллэрэ дойду араас эрэгийиэннэриттэн анал сакааһынан кэлбиттэрэ. Ити курдук, Саха сиригэр мэдиссиинэ тэрилинэн толору хаачыллыбыт өссө биир саҥа балыыһа баар буолла, иккис сотору аһыллыаҕа.
“ТаймЛизинг” тэрили атыылаһыыны үбүлүүр усулуобуйата
Хампаанньа исписэлиистэрэ лизинг усулуобуйатын сиһилии быһаараллар, килийиэн сөбүлэһэр түгэнигэр илии баттаһаллар. Тэриллэри атын эрэгийиэнтэн, оннооҕор тас дойдуттан атыылаһыахха син. 3 чаастан ордук кэминэн барыллаан сөбүлэһии бэлэм буолар. Абаанса төлөбүрэ 10 %-тан саҕаланар, үбүлээһин болдьоҕо – 4 сылга диэри.
Маны таһынан “Скоринг” бырагырааматынан 5 чаас иһигэр дуогабарга илии баттаһыахха сөп. Бу түгэҥҥэ маннык усулуобуйалаах буолар:– тэрили үбүлээһин суумата – 3 мөл. солк. диэри;– абаанса төлөбүрэ – 15 %-тан саҕаланар;– дуогабар болдьоҕо – 36 ыйга диэри.
“ТаймЛизинг” көмөтүнэн кылгас кэм иһигэр наадыйар тэриллэргитинэн хааччыллар кыахтааххыт. Бу туһунан сиһилии иһитиннэриини хампаанньа менеджердэриттэн ыйыталаһыҥ. Сайаапкаҕытын хааллардаххытына, исписэлиистэр сиһилии сүбэлиэхтэрэ.
