Киирии

Киирии

Чох хостооһунуттан киирэр дохуоту улаатыннарыахха диэн дойду бэрэсидьиэнэ Владимир Путин Кмерово куоракка буолбут экологияҕа куттал суоһаабатын уонна уматык-энергетка комплексын сайыннарыыга хамыыһыйа мунньаҕар эттэ.

“Билиҥҥи конъюктура аан дойдуга чох ырыынагар Арассыыйа киэҥник киирэригэр кыаҕы биэрэр. Инньэ гынан, биһиги бу ырыынакка кимиэллээхтик киирсиэхтээхпит, бас-көс оруолланыахтаахпыт. Онуоха чох хостооһунугар инники күөҥҥэ сылдьар сирдэрбитигэр – Кузбааска, Хакасияҕа уонна Саха сиригэр бу салааҕа бөдөҥсүтүү барыахтаах, чох хостооһунун улаатынарыахтаахпыт. Маннык хамсааһын Илиҥҥи Сибииргэ уонна Уһук Илиҥҥэ саҥа чох хостуур сирдэригэр эмиэ ыытыллыахтаах”, – диэн Путин тоһоҕолоото.

Былырыын дойду чоҕу хостуур хампанньалара 190 мөл. туонна чоҕу экспортаабыттар. Инньэ гынан, аан дойду ырыынагар үһүс миэстэҕэ турар. Маныаха Путин “Арассыыйа бу хайысхаҕа илиҥҥи, арҕааҥҥы дойдулары кытары сибээһи олохтуурга бэлэм” диэтэ.

Уматык-энергетика комплекса дойду экэниэмикэтин сайдыытыгар бас-көс суолталаах. Дойду ВВПтын 22 бырыһыанын ылар, экспорт – 60 %, оттон федеральнай бүддьүөккэ киирэр үп 40% бу комплекс толорор.

Бэрэсидьиэн кыттыылаах бу буолбут мунньахха Айсен Николаев кыттыбыта.

Тарҕат:

Ырытыыгын суруй

Защитный код
Обновить