Войти

Войти

Истиҥ эҕэрдэ

75 сааскынан!

Томпо улууһун Кириэс Халдьаайытын олохтооҕо, Үлэ бэтэрээнэ, сэрии оҕото, күн тэҥэ   саныыр күндү ийэбит, эйэҕэс эбэбит, тапталлаах хос эбэбит

Антонина Александровна Яковлеваны

бу Орто туруу-бараан дойдуга удьуору уһатаары, сыдьааны салҕаары, төрүтү тэнитээри киҥкиниир киэҥ халлаан аламай үрүҥ сырдыгын көрбүтүҥ 75 сыла туолбутунан, ис сүрэхтэн тахсар сахалыы сайаҕас тылынан уруй киэнэ улуутунан, айхал киэнэ ааттааҕынан, эҕэрдэ киэнэ эгэлгэтинэн эҕэрдэлээтэхпит буоллун. Күндүтүк саныыр киһибит, 40-тан тахса сыл тухары эргиэн үлэтигэр нэһилиэгиҥ бар дьонун аһынан-үөлүнэн, таҥаһынан-сабынан хааччыйар туһугар туох баар өйгүн-санааҕын, сатабылгын, дьоҕургун биэрэн туран, эҥкилэ суох үтүө суобастаахтык үлэлээн улахан ытыктабылы ылбытыҥ биһигини барыбытын үөрдэр, санаабытын көтөҕөр, киэн туттуубутун үрдэтэр. Үлэҥ үрдүктүк сыаналаммытын элбэх кырааматаҥ, наҕараадаҥ кэрэһилиир. Түөрт оҕоҕун барытын атахтарыгар туруоран, үөрэхтээн, ыал оҥортоон, аны сиэннэргэр, хос сиэннэргэр күүс-көмө буола сылдьаргар, барытыгар бигэ тирэх, туллубат тулааһын, кэрэҕэ үтүөҕэ сирдииргэр, кытаанах өйөбүл буоларгар Махталбыт муҥура суох. Эйигиттэн кырдьар диэн киэр кыйданнын, ыарыы-дьаҥ ырааҕынан ыырданнын, үөрүү-көтүү, баай-дуол, дьол-соргу эйигин, күндү киһибитин, өрүүтүн арыаллыы туруохтун, куруутун батыһа сылдьыахтын.

Эҕэрдэни кытта Дьокуускайтан, Кириэс Халдьаайыттан, Бэстээхтэн оҕолоруҥ, кийиитиҥ, күтүөттэриҥ, сиэннэриҥ, хос сиэннэриҥ.

Добавить комментарий

Истиҥ эҕэрдэ

  • Истиҥ эҕэрдэбитин этэбит

    Ытыктыыр киһибитин Анатолий Никитич Осиповы 80 сааскынан сүһүөхтээх бэйэбит сүгүрүйэн туран эҕэрдэлиибит!
    Эҕэрдэни кытары кытары оҕолоруҥ, кийииттэриҥ, күтүөтүҥ, сиэннэриҥ, хос сиэниҥ, аймахтарыҥ, чугас дьонуҥ!
  • Эҕэрдэ бастыҥын аныыбыт

    Таптыыр эдьиийбитин Маргарита Ильиничнаны 65 сааскынан эҕэрдэлиибит!
    Эҕэрдэни кытары Дьокуускайтан балтыҥ дьиэ кэргэнэ
  • Үбүлүөйгүнэн!

    Күндү киһибитин Василий Степановиһы 80 сааскынан эҕэрдэлиибит!
    Илбэҥэттэн, Дьокуускайтан кэргэниҥ Тамара Алексеевна, уолаттарыҥ Алексей, Степан, кыргыттарыҥ Айта, Таня дьиэ кэргэннэрэ, сиэннэриҥ, хос сиэннэриҥ.
  • 95 сааскын томточчу туолбуккунан!

    Ытыктабыллаах ПЕТР КОНСТАНТИНОВИЧ!
    Эҕэрдэни кытта: Гуринова А.Д., Ефимова З.П., Китаева М.Н., Посельская М.И., күтүөт Борисов Н.Е.