Киирии

Киирии

Ньурбаҕа СӨ Ийэлэр күннэрин декадатыгар анаан өрөспүүбүлүкэтээҕи «Кэрэ ситимэ» уопсастыбаннай бырайыак чэрчитинэн «Ийэбинээн үҥкүүлүүбүн» улуустааҕы куонкурус ыытылынна. Алта дьиэ кэргэн талба талааннаах ийэлэрэ кыргыттарынаан үҥкүү түһүлгэтигэр күрэхтэстилэр.

Күрэҕи Ньурба куорат дьаһалтата, куорат дьахталларын сэбиэтэ, «Кыталык» киинэ тэрийдилэр. СӨ Ийэлэрин күнүнэн Ньурба оройуонун Ытык сүбэ сэбиэтин салайааччыта М.И.Иванов, Ньурба куорат баһылыгын солбуйааччыта Я.Е.Замятин эҕэрдэлээтилэр.
Күрэххэ алта дьиэ кэргэн амарах ийэлэрэ «Кэскил» оҕо саадын үлэһитэ Людмила Дмитриевна Иванова кыргыттарынаан Любалыын, Лилианалыын, Лючийаналыын (Ньурба орто оскуолатын XI, III кылаас үөрэнээччилэрэ), Варвара Андреевна Петрова аатынан Ньурбатааҕы оройуоннар икки ардыларынааҕы Кырдьаҕастар интэринээт дьиэлэрин лечебнэй физкультураҕа инструктора Анисья Пантелеймоновна Борисова кыыһынаан Любалыын (Ньурбатааҕы 3 №-дээх алын сүһүөх оскуолатын 4 «а» кылааһын үөрэнээччитэ), Чаппанда нэһилиэгиттэн «Дьоҕур» норуот айымньытын дьиэтин исписэлииһэ Фатима Руслановна Лосотова Евалыын (Чаппанда орто оскуолатын 1 кылааһын үөрэнээччитэ), Александра Яковлевна Овчинникова аатынан оҕо саадын иитээччитэ Мария Васильевна Максимова Камилалыын (Чаппанда орто оскуолатын 5 кылааһын үөрэнээччитэ), Ньурба куораттан «Кэскил» оҕо саадын иитээччи көмөлөһөөччүтэ Олеся Ивановна Карпович кыргыттарынаан Любалыын, Николиналыын (Ньурба 1 №-дээх оскуола 5, 1 «а» кылаас үөрэнээччилэрэ), Октябрьскай нэһилиэктэн Сахаяна Даниловна Давыдова Целестиналыын (Антоновка орто оскуолатын 4 «в» кылааһын үөрэнээччитэ) кытыннылар.

Күрэх түһүмэхтэрэ: бэйэни билиһиннэрии, ийэлэр кыргыттарынаан туруорбут үҥкүүлэрин толороллор, «Дефиле» ийэ кыыһынаан дьоро киэһэҕэ кэтэр таҥастарын кэтэн түһүлгэҕэ хааман көрдөрүү, үҥкүүгэ сыһыаннаах интеллектуальнай ыйытыктарга эппиэттээһин, Инстаграм- куоластааһын түмүгүн таһаарыы. Майя Олеговна Николаева — куорат дьахталларын сэбиэтин түмсүүтүн бэрэссэдээтэлэ, дьүүллүүр сүбэ бэрэссэдээтэлэ, Юлия Васильевна Шадрина — бырайыак ааптара, Марианна Анатольевна Попова — Ньурбатааҕы Искусство оскуолатын хореография салаатын уһуйааччыта, Яков Евгеньевич Замятин — «Ньурба куорат» МТ баһылыгын солбуйааччыта, Алена Робертовна Егорова — улуустааҕы култуура департаменын исписэлииһэ дьүүллүүр сүбэҕэ үлэлээтилэр.

Түөрт түһүмэхтээх күрэхтэһии түмүгүнэн Чаппанда нэһилиэгиттэн Фатима Лосотова уонна Ева Гран-при хаһаайыннарынан буоллулар. Ньурба куораттан Людмила Иванова Люба, Лилиана, Лючийана бастакы, Чаппандаттан Мария Максимова, Камила — иккис, Ньурба куораттан Анисья Борисова, Люба -үһүс истиэпэннээх лауреат аатын ыллылар. «Лучшая танцевальная команда» — Олеся Карпович, Люба, Николина, Октябрьскай нэһилиэктэн Сахаяна Давыдова уонна Целестина -«Лучшая творческая пара» номинацияларынан бэлиэтэннилэр. Инстаграм- куоластааһын түмүгүнэн, 7439 кыттааччыттан 2826 куолаһы Максимовтар дьиэ кэргэннэрин ийэлээх кыыһа Мария уонна Камила ыланнар, «Көрөөччүлэр биһирэбиллэрэ» аакка тигистилэр. Күрэх кыттыылаахтарыгар наҕараадалары «Арассыыйа ийэлэрэ» Саха сиринээҕи салаатын Ньурбатааҕы отделениетын бэрэссэдээтэлэ Туманова А.А., дьүүллүүр сүбэ үөрүүлээх быһыыга-майгыга туттардылар. Күрэҕи кырачаан Ньурба куорат оҕо саадын иитиллээчилэрэ, оскуола саастаах оҕолор ылбаҕай ырыаларынан, хомоҕоҋ хоһооннорунан киэргэттилэр.

Антонина СЕМЕНОВА, ulus.media

Тарҕат:

Комментарии

Защитный код Обновить