Войти

Войти

Бүгүн, ахсынньы 11 күнүгэр Өксөкүлээх Өлөксөй аатынан норуоттар доҕордоһууларын дьиэтигэр, “Айхал эйиэхэ, төрөөбүт дойдубут !” диэн хор кэллэктииптэрин патриотическай ырыаларын өрөспүүбүлүкэтээҕи куоҥкурус-бэстибээлин арыллыыта буолан ааста.

Үөрүүлээх тэрээһин Арассыыйа уонна Саха сирин гимнарын толорууттан саҕаланна. Ол кэнниттэн Дьокуускайдааҕы оҕо ускуустубатын оскуолаларын үөрэнээччилэрин, устудьуоннар, бэтэрээннэр уо.д.а. хор кэллэктииптэрэ ыллаатылар.  

СӨ “Ил Түмэн” Судаарыстыбаннай мунньаҕын бэрэссэдээтэлин солбуйааччы Антонина Григорьева, СӨ култуура миниистирин солбуйааччы Марина Силина, бүтүн Арассыыйатааҕы хор уопсастыбатын чилиэнэ, СӨ култууратын үтүөлээх үлэһитэ Елизавета Попова уо.д.а мустубут дьону сарсын буолар Конститутция күнүнэн эҕэрдэлээтилэр уонна бэстибээл кыттыылаахтарыгар ситиһиилэри баҕардылар.

20191211 111443x

20191211 112442x

Бу бэстибээл Улуу Кыайыы 75 сыллаах үбүлүөйүгэр, СӨ култууратын үтүөлээх үлэһитэ, Үлэ Кыһыл Знамятын уордьанын кавалера, хормейстер Семен Гаврильевич Васильев уонна Саха сиригэр бастакы “Кэнчээри” оҕо академическай хорун тэрийээччи, РФ уонна ЯАССР култууратын үтүөлээх үлэһитэ, “За заслуги перед Отечеством” уордьаҥҥа мэтээл кавалера    Василий Степанович Парников ытык саастарын бэлиэтиир үбүлүөйдэригэр ананар.

20191211 113242x

Бэстибээл тэрийээччилэрэ өрөспүүбүлүкэтээҕи норуот айар үлэтин уонна социальнай-култуурунай технологиялар дьиэтэ, “Модун күүс” бырайыак көҕүлүүр бөлөҕө уонна “Бүтүн Арассыыйатааҕы хор уопсастыбатын” Саха сиринээҕи салаата.

Бэстибээл 2019 сыл ахсынньы 11 күнүттэн 2020 сыл муус устар 27 күнүгэр диэри ыытыллар. Кэтэхтэн уонна сирэйинэн  үс түһүмэхтээх буолуоҕа.  

I түһүмэх (кэтэхтэн) – 2019 сыл ахсынньы 1 күнүттэн 2020 сыл тохсунньу 17 күнүгэр диэри.

II түһүмэх   (сирэй) – 2020 сыл олунньу 15 күнүгэр.

III түһүмэх (телевидениенэн) – 2020 сыл муус устар 1-25 күннэригэр.

Муус утар 27 күнүгэр кыайыылаахтары наҕараадалааһын буолуоҕа.

Кыттыан баҕалаах кэллэктииптэр сиһилии 8(411)242-38-78 эрийэн билсиэххитин сөп.

Тарҕат:

Добавить комментарий

Бүтэһик сонуннар