Саха сирин биллиилээх ырыаһыта Сайыына “Россия 1” ханаалга “Ну-ка, все вместе!” диэн биэрии иккис сезонугар уһулунна.
Сайыына шоу кыттыылаахтарын сыаналыыр 100 эксперт иһигэр киирдэ. Ол туһунан социальнай ситимҥэ санаатын маннык үллэстэр: “Бүтэһик устуу түүҥҥэ диэри буолбута. Иккис сезон уһуллан бүппүтүн итэҕэйбэт курдукпун. “Ну-ка, все вместе!” биэриини хас баскыһыанньа аайы көтүппэккэ көрөөрүн. Маннык улахан бырайыакка кыттыыны ылбыппыттан олус үөрэбин”.
Санатар буоллахха, Сайыына ааспыт сыллаахха ырыа эксперин быһыытынан кыттыбыта.
