Күндү доҕоттор!
Култуура үлэһиттэрин профессиональнай бырааһынньыктарынан – Култуура үлэһиттэрин күнүнэн эҕэрдэлиибин!
Эһигини барыгытын айар-тутар баҕа санаа, тулалыыр дьоммутун-сэргэбитин кытта кэрэ эйгэлиин үллэстэр үтүө санаабыт дьулуура түмэр. Эһиги өбүгэлэрбит духуобунай сыаннастарын харыстыыр уонна салгыы тиэрдэр ураты аналлааххыт.
Бүгүн култуура салаата уопсастыбаҕа хаһааҥҥытааҕар даҕаны суолталаах. Биһиги ааспыт устуоруйабытын тэпсэ, билиҥҥибитин токурута уонна инникибитин былдьыы сатыыр сорунуулары көрөбүт. Бу ис хайдыһыылары оҥорорго туһуламмыт дьайыылары тохтотор күүс биһиэхэ баар. Биһигини, бэйэбитин бүтүн сыалайынан өйдүүрбүт тухары, ким даҕаны кыайыа уонна биир тэҥ өйбүтүн-санаабытын былдьыа суоҕа.
Арассыыйа аан дойду култууратыгар кылаата олус улахан. Онон, биһиги дойдубутун аан дойду утары туруора сатааһыннара оруна уонна кэскилэ суох.
Күндү кэллиэгэлэр, 2022 сыл – Устуоруйа уонна духуобунас Сыла. Биһиги култуурабыт салаата Саха АССР төрүттэммитэ 100 сылыгар уонна Арассыыйа норуоттарын култуурунай нэһилиэстибэлэрин Сылыгар сүрүн миэстэни ылыаҕа. Култуурунай тэрээһиннэр сыл тематикатынан нэһилиэнньэ бары араҥатын тардар, кыттыһыннарар соруктаах буолуохтара диэн эрэнэбин.
Убаастабыллаах кэллиэгэлэр, эһиэхэ айымньылаах үлэҕитигэр ситиһиилэри, кытаанах доруобуйаны уонна дьиэ кэргэҥҥитигэр этэҥҥэ буолууну баҕарабын. Эһиги биһигиннии буоларгыт иһин барҕа махтал!
СӨ Култуураҕа уонна духуобунай сайдыыга миниистирэ Юрий Куприянов култуура күнүнэн эҕэрдэтэ https://minkult.sakha.gov.ru/ саайтан ылыллан, сахалыы тылбаастанна
