Киирии

Киирии

Дьокуускай куорат килбэйэр киинигэр – 202-с түөлбэҕэ баар “Хотугу дьүкээбил” муус паарка биир нэдиэлэ эрдэ арылынна. Манна сылын аайы мууһунан, хаарынан оҥоһуллубут араас  кэрэ, ураты   скульптуралар, аттракционнар, сыырдар оҥоһуллаллар.

Сыаналара да удамыр. Ол курдук, киирии билиэт оҕолорго 150 солк, улахан дьоҥҥо – 250 солк. Биэстэригэр диэри саастаах оҕолорго босхо. Ону таһынан, төрөөбүт күннээхтэр уонна сокуоннай саастарын ситэ илик тулаайах оҕолор   босхо киириэхтэрин сөп. Оттон чэпчэтии элбэх оҕолоохторго уонна инбэлииттэргэ көрүллэр: оҕолорго – 100 солк, улахан дьоҥҥо - 200 солк. Аттракционнар сыаналара 100-300 солк. Төлөбүрү уу харчынан эрэ ылаллар.

20190210 161850

Улахан дьоҥҥо уонна оҕолорго туһунан сыырдар бааллар. Сырылыыр тэрили уларсыы 100 солк. Онон бэйэҕитигэр баар буоллаҕына илдьэ бараргыт ордук. Ону таһынан тюбинг (сыттык курдук үрүллүбүт тэрил) уларсан сырылыаххытын сөп. Манна сылаас кафе үлэлиир. Итии чэй 30 солк уонна бурдук ас, минньигэс арааһа атыыланар. Эбэтэр бэйэҕит өйүөлээх-тайаалаах сылдьыаххытын сөп.

20190210 154048

Муус паарка киэһээтин дьүкээбил араас уотунан сандаарар. Өрөбүлэ суох күн аайы 11:00 - 23:00 ч үлэлиир. Куорат олохтоохторун уонна ыалдьыттарын көхтөөх сынньалаҥҥа ыҥырар!

20190210 163127

Тарҕат:

Комментарии

Защитный код Обновить