Киирии

Киирии

Ахсынньы 20-21 күннэригэр Дьокуускай куоракка, өрөспүүбүлүкэтээҕи “Бизнес-Экспо 2019” быыстапка ыытыллыаҕа. Тэрийээччилэр “Мой бизнес” урбаанньыттары өйүүр киин уонна СӨ урбаан, атыы-эргиэн уонна туризм министиэристибэтэ буолаллар. Билигин быыстапкаҕа кыттыан баҕалаах урбаанньыттартан сайаапкалары хомуйаллар. Докумуоннары ахсынньы 1 күнүгэр диэри ылаллар.

Былырыыҥҥы быыстапкаҕа 15 оройуонтан уонна Дьокуускай куораттан 80 урбаанньыт кыттыбыт. Уопсайа 1,5 мөл солк тахса суумалаах бородууксуйа атыыламмыт.

Ааспыт сыллааҕы дьаармарка кыттыылааҕа, “Лучшая экспозиция среди продовольственной группы товаров” номинация кыайыылааҕа, Горнайдааҕы кэпэрэтиип салайааччыта Иван Ксенофонтов быыстапка туһунан санаатын маннык үллэстэр: “Дьаармарка оҥорон таһаарар хампаанньалар бородууксуйатын киэҥник тарҕатыыга төһүү күүс буолар. Ааспыт сыллаахха биһиги бэйэбит бородууксуйабытын киллэрэн атыылаабыппыт. Дьон олус сөбүлээбитэ, атыыбыт үчүгэйдик барбыта. Чуолаан дыраһааҥканы ордук ылбыттара. Тус бэйэм маннык дьаармаркаҕа эдэр урбаанньыттар көхтөөхтүк кытталларыгар сүбэлиэм этэ. Быыстапка бэйэ оҥорон таһаарар бородууксуйатын киэҥ эйгэҕэ таһаарарга улахан кыаҕы биэрэр”.

Оттон Усуйаанатааҕы “Хоту Балык” хампаанньа салайааччыта Алексей Птицын быйылгы дьаармаркаҕа эмиэ кыттар былааннаах. “Мин бу дьаармаркаҕа ааспыт сыллаахха кыттан олус элбэх үөрүйэҕи ылбытым. Бу, биллэн турар, биисинэспин сайыннарарбар улаханнык көмөлөспүтэ. Күүстээх эрэкэлээмэ барбыта, килийиэннэр элбээтилэр. Уопсайынан, “Мой Бизнес” киин тэрийээччи эрэ быһыытынан буолбакка улахан өйөбүлү оҥорор . Ол курдук, тэхиньиичэскэй-экэнэмиичэскэй бигэргэтиини оҥорорго уонна тэрилтэбин эрэкэлээмэлиирбэр харчынан көмө ылбытым. Саха сиригэр биисинэһи өйүүллэриттэн олус үөрэбин”, – диэн кэпсиир.

“Идея” эрэкэлээмэ хампаанньатын дириэктэрин солбуйааччы Наталья Мохначевская: “Мин сайаапка ыытаары сылдьабын. Былырыын быыстапка сүрүн сыалын-соругун ситэ өйдөөбөккөбүт, аҥардас Саҥа дьыллааҕы оонньуурдары эрэ атыылаабыппыт. Дьаармарка саҥа биисинэс партнердары, килийиэннэри буларга улахан кыаҕы биэрэр эбит. Ол иһин, быйылгы быыстапкаҕа олохтоохтук бэлэмнэнэ сылдьабыт. Оҥорор өҥөбүт уонна бородууксуйабыт бары көрүҥүн билиһиннэриэхпит. Барыта үрдүк таһымҥа ааһыа диэммин эрэнэбин”.

Быыстапкаҕа кыттыан баҕалаахтар сайаапкаларгытын Этот адрес электронной почты защищён от спам-ботов. У вас должен быть включен JavaScript для просмотра. электроннай пуочтаҕа эбэтэр Дьокуускай куоракка Киров уулуссатын 18-гар, “Б” блокка (09:00-18:00 ч ) аҕалан биэриэххитин сөп.

yakutia24.ru/

Тарҕат:

Комментарии

You have no rights to post comments

Бүтэһик сонуннар