Войти

Войти

Киин куораппытыгар Өктөөп 50 сыла автострадаҕа Кыайыы пааркатын бу дьыл ыам ыйыгар тутан саҕалыахтара. Бу туһунан Дьокуускай дьаһалтатын пресс-сулууспата иһитиннэрэр.

Паарка түөлбэтигэр амфитеатр, саллаат статуялардаах өйдөбүнньүк аллеята, велосипедынан сылдьарга уонна сүүрэргэ аналлаах сир, фудкорт уонна оҕо оонньуур сирэ, успуордунан дьарыктанарга уонна дьаарбайарга аналлаах былаһаакка баар буолуоҕа. Бырайыак ааптардара этэллэринэн, саҥа паарка Аҕа Дойду Улуу Кыайыытыгар аналлаах үгэс буолбут монуменнартан таһыччы атын буолуоҕа уонна билигин тыыннаах бэтэрээннэргэ сүгүрүйүү бэлиэтинэн буолуохтаах. “Онуоха пааркаҕа тыыннаах киһи саҕа боруонса саллаат мөссүөннэрэ баар буолуохтара. Ити мөссүөннэр үкчү тыыннаах дьон курдук “хамсаныахтара” – саахыматтыыллар, оҕолору кытары оонньуулар”, - диэн суруйаллар. Болуоссат хабыллар хаба ортотугар саллаат үс муннук суругун туруоруохтара. Санатар буоллахха, бу күһүн тутуллуохтаах паарка түөлбэтигэр куорат олохтоохторо 2,2 тыһ. маһы олордубуттара.

Тарҕат:

Комментарии

Защитный код Обновить