Войти

Войти

ХИФУ хоруона вируһунан ыалдьыбыт устудьуоннарын ахсаана биир күн иһигэр 34 киһинэн элбээбит.

Бүтэһик күннэргэ эбии 52 киһи ыалдьыбыта бэлиэтэннэ. Олортон 43 киһи – Дьокуускай куоракка. Хомойуох иһин, бу дьонтон 30 тахсата устудьуоннар буолаллар. Бу көрдөрүү элбээбэтигэр эрэнэбин”, – диэн Ил Дархан Айсен Николаев эттэ.

Нерюнгри,  Алдан, Хаҥалас, Мэҥэ Хаҥалас оройуоннарыгар дьон ыалдьыбыттар. Бу урут ыалдьыбыт дьону кытта алтыспыт уонна Харах балыыһатыгар сыстан тахсыбыт дьон буолаллар. Кинилэри кытта “контактаспыт” дьону быһаараллар.

Ону таһынан, Ил Дархан Чайыҥда балаһыанньатын туһунан иһитиннэрдэ. “Бүгүн сарсыардааҥы көрдөрүүнэн, 1800 доруобай дьон баар. Куһаҕан анаалыстаах дьону таһаарбыппыт. Үчүгэй анаалыстаахтар уопсай дьон ахсааныттан 6 % ылар. Ол аата 600-чэ киһи буолар”, – диэн эттэ.

Суһал ыстаап көрдөрүүтүнэн, бүгүҥҥү күҥҥэ өрөспүүбүлүкэ үрдүнэн 55 киһи үтүөрбүт. Биэс киһи ыарахан туруктаахтар. Уопсайа, 437 киһи ыалдьыбыта бэлиэтэммит, түөрт киһи өлбүт.

Биир күн иһигэр өрөспүүбүлүкэ лабораториялара 3239 тиэһи оҥорбуттар, обсерватордарга 594 киһи сытар.

yakutia24.ru/

Тарҕат:

Добавить комментарий

Бүтэһик сонуннар