Самаратааҕы собуокка оҥоһуллубут «Мистер Сидр» утахтан 32 киһи суох буолла. Өлбүт дьон хааныгар метанол диэн кутталлаах эттиги буллулар. Быстахха былдьанааччылар күөгэйэр күннэригэр сылдьар эдэр уонна орто саастаах дьон эбиттэр.
Бастакы алта киһи өлөөтүн кытары, холуобунай дьыала тэриллэн, утаҕы оҥорон таһаарар тэрилтэ салайааччыта Анар Гусейновы тутан хаайбыттара. Кини өссө былырыын докумуона суох аһыы утаҕы атыылаан сууттаммыт эбит. Ол эрээри ыстараапка эрэ ууруллубут уонна 150 л сидры былдьаппыт.
Билигин Арассыыйа үрдүнэн, ол иһигэр Саха сиригэр, бу сүлүһүннээх утаҕы көрдүүр үлэ бара турар. Ордук элбэх «Мистер Сидр» Курганскай уобаласка, Удмуртияҕа уонна Крымҥа көстүбүт. Маны сэргэ утаҕы Владимирскай уобаласка, Мордовияҕа, Рязанскай, Ульяновскай уонна Пензенскай уобаластарга, Марий Элга уонна Пермскэй кыраайга буллулар.
Билигин быраастар бу утахтан сүһүрэн ыарахан туруктаах сытар 50 киһи олоҕун быыһыы сатыыллар. Сүһүрбүт дьон ахсаана эбиллэ турар диэн суруйаллар.
Бэйэ кэр.
