Бүгүн Олохтоох салайыныы сүбэтин мунньаҕар Ил Дархан өрөспүүбүлүкэ судаарыстыбаннай былааһын уонна олохтоох салайыныы уорганнарын үлэлэрин-хамнастарын сүрүн соругунан биэс сыл иһигэр нэһилиэнньэ дьадайыытын икки төгүл аччатыы буолар диэн биллэрдэ.
Кини бырабыыталыстыба, муниципальнай оройуон уонна куорат уокуруктарын баһылыктара бу ыйааҕы суһаллык толорон саҕалыылларыгар сорудахтаата. Ол туһугар былаас бары салаалара, урбаанньыттар уонна олохтоохтор бииргэ үлэлииллэрэ ирдэнэрин тоһоҕолоото.
Дьадайыыны аччатар туһугар хамнас кээмэйин үрдэтии, үлэнэн хааччыйыы, тиийиммэт-түгэммэт дьону кытта үлэлэһии күүһүрүөхтээх. Туһааннаах сулууспалар саастарынан уонна доруобуйаларын туругунан уустук быһыыга-майгыга түбэспит дьоҥҥо ураты болҕомтону ууруохтаахтар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: Андрей Сорокин, ЯСИА
