Ыам ыйын 15 күнүттэн киин куорат аэропордун балаһатын саҥардан оҥоруу саҕаламмыта. Онтон сылтаан Саха сирин олохтоохторо атын куораттарга көтөөрү уустуктары көрсүбүттэрэ, оттон билиэт сыаната биир хайысхаҕа 90 тыһ. солк. тиийэ үрдээбитэ.
Кэмниэ-кэнэҕэс балаһаны саҥардан оҥорууну бүтэрэн үлэҕэ киллэрэргэ көҥүл ыллылар. Балаһа уһуна 3600 м. буолла. Онон, аэропорт сылы быһа, күннэтэ элбэх киһини батарар кэтит фюзеляжтаах көтөр ааллары көрсөр кыахтанна, оттон айанньыттар, сылаалаах уһун эриэйсэлэртэн босхолонон, быһа көтөр буоллулар.
Ол курдук, алтынньы бүтүүтэ улахан «Аэрофлот» авиа хампаанньа Москубаттан көтөн саҕалыаҕа.
Бэйэ кэр.
