Сыл ахсын алтынньы 23 күнүгэр Сахабыт сиригэр Алмаас уонна ювелирнай бырамыысылыннас үлэһиттэрин күнэ бэлиэтэнэр. Ол чэрчитинэн Дьокуускайга Ювелирнай нэдиэлэ ыытыллыаҕа.
Бу салаа өрөспүүбүлүкэ экэниэмикэтин сайдыытыгар улахан суолталаах, онон Саха сирин сокровищницатыгар ситиһиилэри көрдөрөр кэккэ тэрээһиннэр буолуохтара. Ол курдук, «Бастыҥ ювелирнай оҥоһуктар - 2023» быыстапкаҕа тутаах ювелирнай тэрилтэлэр уонна уус урбаанньыттар кыттыахтара. Кинилэр ураты толкуйдаах уонна бастыҥ дизайыннаах киэргэллэрин көрдөрүөхтэрэ.
Маны сэргэ араас тиэмэлээх тэрээһиннэр: саха төрүт симэхтэрин оҥорууга маастар-кылаас, саха төрүт симэхтэрин суолталарын туһунан лиэксийэ, «Саха сирин ювелирнай салаатын туһунан» төгүрүк остуол уонна онтон да атын.
Сонун төрдө: «СӨ Гохран» судаарыстыбаннай хааһына тэрилтэтэ
