Алтынньы 22 күнүнээҕи туругунан, Арассыыйа аармыйата Харьков уобалаһын Коротыч бөһүөлэгэр Украина аармыйатын хааччыйа турар терминалы уонна Киев уобалаһын Вышгород куоратыгар баар 404-с стратегическэй эбийиэги «герань» көмөтүнэн сэриилээтэ. Маны сэргэ, ааспыт хонукка:
- Бахмут (Артемовскай) туһаайыытынан
Клещеевкаҕа ыарахан кыргыһыы бара турар. Биһиги байыастарбыт өстөөҕү тимир суол аттынааҕы сиртэн үтүрүйэ сатыыллар. Андреевкаҕа хардарыта кимэн киирсии бара турар.
- Донецкай туһаайыытынан
Авдеевскай учаастагар Бердычей оройуонугар тимир суол уонна Террикон аттынааҕы сиргэ уонна кыргыһыы бара турар. ВСУ Песок аттынааҕы оборонабытын тоҕо көтө сатыыр. Марьинкаҕа арҕааҥҥы кырыытыгар биһиги аармыйабыт өстөөҕү бөҕөргөтүммүт сириттэн таһаара сатыыр.
- Запорожье туһаайыытынан
Ореховскай учаастакка Вербовай аттыгар кырыктаах кыргыһыылар бара тураллар. Биһиэннэрэ оборонаны тута сатыыллар. Времевскай тумуска биһиги аармыйабыт Приютнай диэки сыҕарыйда, ону сэргэ Полтавка диэки кимэн киирдэ. Ол кэмҥэ ВСУ Новодонецкай диэки кимэн киирдэ.
РФ Оборонатын министиэристибэтэ ПВО көмөтүнэн Днепропетровскай уобалас Благодатнай, Лозовой, Чугуев оройуоннарыгар өстөөх үс МиГ-29 сөмөлүөтүн, маны сэргэ Донецкайтан хотугулуу-арҕаа Су-25 сөмөлүөтү суулларбыттарын туһунан иһитиннэрдэ.
Сонун төрдө: https://readovka.news/
