Сэтинньи 8 күнүгэр Киров аатынан байыаннай-мэдиссиинискэй акадьыамыйаҕа биллэр уопсастыбаннай диэйэтэл, эдэр бэлиитик Савва Михайлов соһумардык ыарахан ыарыыттан олохтон туораабытын туһунан Саха Өрөспүүбүлүкэтин РФ Бэрэсидьиэнигэр бастайааннай бэрэстэбиитэлистибэтэ иһитиннэрдэ.
2022 сылга Савва Анатольевич анал байыаннай дьайыыга баҕа өттүнэн сулууспалыы барбыта. Алтынньыга анал байыаннай дьайыы ыытыллар сириттэн Санкт-Петербурга эмтэнэ кэлбитэ.
Савва Анатольевич аймахтарыгар, чугас дьонугар, кэллиэгэлэригэр уонна доҕотторугар дириҥ кутурҕаммытын тиэрдэбит, аһыыгыт тэҥҥэ үллэстэбит.
Кини үтүө аата умнуллуо суоҕа!
"Кыым" хаһыат эрэдээксийэтэ.
