Бэйэни харыһыйбакка дьон олоҕун быыһыыр дьоруойдары билиэх уонна махтаныах тустаахпыт. Ол курдук, ааспыт өрөбүлгэ Күөх Хонууга оҕо өлүүлээх улахан иэдээн тахсыахтааҕын, дьолго, чугаһынан 58 саастаах Хасан Авгонов балыктыы сылдьар буолан, ким да былаҕайга былдьаммата. Үтүө санаалаах эр киһи Уу тырааныспарын институтутугар тиэхиньигинэн үлэлиир эбит.
Кини, оҕо хаһыытын истээт, тута көмөҕө ыстаммыт. 10 саастаах уолаттар сэрэҕэ суохтук мууска тахсан оонньуу сылдьыбыттар. Онтулара хайа баран, үс оҕоттон иккитэ ууга түһэн тимирэн барбыттар. Балыксыт бадарааннаах сиринэн оҕолорго ыстаммыт, аара бачыыҥката түспүтүгэр да аахайбатах. Биир оҕону сонно таһаарбыт, оттон иккис оҕону булбатах. Ол иһин муустаах ууга бэйэтэ умсан тимирбит оҕону хостоон таһаарбыт. Уолчаан чачайан сөтөллөн уонна ытаан барбыт.
Хасан оҕону, бэйэтин курткатыгар суулаан ириэрэн, уоскутан баран кытылга таһаарбыт. Ону ааһан иһэр дьон видеоҕа уһулбуттарын көрөҕүт. Кинилэр быраастары ыҥырарга уонна оҕолору салгыы ириэрэргэ көмөлөспүттэр. Быһылааны бастакынан @sakhaday сырдатта. Оттон биһиги ууттан чугас олорор дьоҥҥо оҕолоргутун мээнэ ыытымаҥ эбэтэр мууска тахсар кутталлааҕын үчүгэйдик сэрэтиҥ диэн көрдөһөбүт.
Сонун төрдө: Сахадэй
