Н.Е.Мординов-Амма Аччыгыйа аатынан Харбалаахтааҕы үөрэхтээһин холбоһугар Саха Өрөспүүбүлүкэтин күнүн үөрүүлээхтик бэлиэтээтилэр.
2 кылаас үөрэнээччилэрэ "Умнума,эн саха буоларгын"хоһоонунан тэрээһини арыйдылар. Онтон 9 кылаас үөрэнээччилэрэ Анджелия Слепцова уонна Айсен Бястинов бу күн суолтатын туһунан сиһилии кэпсээтилэр. Саха тылын учуутала В.С. Кривошапкина бэйэтэ бэлэмнээбит презентациятынан өрөспүүбүлүкэни төрүттээччилэр тустарынан кэпсээтэ.
Тэрээһин түмүгэр Сайа тылларыгар, А. Файрушина матыыбыгар "Сахам сирэ" ырыаны бары сүһүөхпүтүгэр туран ыллаатылар. Алтыс уруок кэнниттэн история учуутала А.Д. Соломонова салайыытынан тохсус кылаастар "Өрөспүүбүлүкэ устуоруйатын төһө билэҕин?" квест оонньууну станцияларынан оонньоппуттарын оҕолор олус сөбүлээтилэр.
Эрдэ Өрөспүүбүлүкэ күнүгэр аналлаах оһуокай буолбута. Сахабыт сирэ сайда турдун!
Лейла Никонова,7 кылаас үөрэнээччитэ. Харбалаах с.
