Саха норуотун чулуу дьонугар, норуодунай суруйааччыга уонна норуодунай поэкка пааматынньыгы 2021 с. балаҕан ыйын 27 күнүгэр, Дьокуускай куорат киинигэр искибиэргэ дьэндэппиттэрэ. Ини-бии Семен уонна Софрон Даниловтар сүдү уобарастарын талааннаах архитектор Алексей Самсонов уонна скульптор Семен Прокопьев кэллиэгэлэрин кытта оҥорбуттара.
Ханнык баҕарар субъект судаарыстыбаннаһа - бэлиитикэ диэйэтэллэрэ эрэ буолбакка, сыралаах үлэлэринэн уонна талааннарынан саха норуотун култууратын уонна өйүн-санаатын сайыннарар дьон. Ини-бии Даниловтар дойдубут уонна саха норуота сайдыытыгар сүҥкэн кылааттаахтар. Саха сирин Ил Дархана этэн ааспытыныы, устуоруйа саҥа кэрдииһигэр, өрөспүүбүлүкэ төрүттэниитин 100 сыла туолуутугар, үгүс көлүөнэ саха дьонугар туспа өй-санаата үөскүүрүгэр сабыдыаллаабыт саха классик суруйааччыларын сүдү айымньыларыгар тапталы иҥэрии сүҥкэн суолталаах.
Саха АССР төрүттэниитэ 100 сылыгар аналлаах Ленин проспегын саҥалыы уларытан оҥоруу чэрчитинэн, пааматынньык турар искибиэрэ Дьокуускай куорат олохтоохторун уонна ыалдьыттарын биир сөбүлүүр сирдэринэн буолуоҕа.
Ыспыраапка:
Семен Данилов (1917-1978) – Саха сирин норуодунай поэта, М. Горькай аатынан РСФСР Судаарыстыбаннай бириэмийэтин лауреата, Польскай норуодунай өрөспүүбүлүкэ ускуустубаларын үтүөлээх диэйэтэлэ, ССРС уонна Саха АССР суруйааччыларын сойууһун чилиэнэ.
Софрон Данилов (1922-1993) – Саха сирин уопсастыбаннай, бэлитиичэскэй диэйэтэлэ, Арассыыйа Федерациятын култууратын үтүөлээх үлэһитэ, Саха АССР Үрдүкү Сүбэтин X уонна XI ыҥырыытын дьокутаата, Саха сирин норуодунай суруйааччыта, П.А. Ойуунускай аатынан Судаарыстыбаннай бириэмийэ лауреата, ССРС уонна ССРС КГБ суруйааччыларын сойууһун бириэмийэтин уонна Саха сирин комсомуолун бириэмийэтин лауреата.
Андрей ШИЛОВ хаартыската
Источник: Yakutia24/Якутия24 саайт
