Киирии

Киирии

Бу ый бастакы күннэриттэн ыла, алмаастаах кыраай киинин кэрэ-бэлиэ сирдэринэн көҕөрдүү үлэтэ көхтөөхтүк ыытылынна.

Ордук күүстээх үлэ Ботаническай саадка, «Бүлүүлүүр эргимтэ» сынньанар сиргэ, куорат пааркатыгар, «Кимберлит» спорт дыбарыаhын иннигэр уонна киин болуоссакка барда.

mir

Ботаническай саад дьэрэкээн сибэккилэрин, яблоняларын, пихталарын, акацияларын көрүүннэн-истиннэн «Кристина» салон сыһыарыллан дьарыктанар.

mir4

mir2

mir1

«Бүлүүлүүр эргимтэ» урбаанньыттарга сыhыарыллан турар. «Кимберлиты» КСК үлэhиттэрэ дьаһайаллар. Оттон болуоссаты – куорат дьаһалтата. Үүнээйини олордуу тустаах тэрилтэлэргэ сыһыарыллыбыт буолан үлэ бэрт эппиэтинэстээхтик барда.

mir6

mir5

Эбэн эттэххэ, Таҥара Дьиэтин искибиэрин кырачааннары сынньатар сир гыммыттара эмиэ да үчүгэйдээх, эмиэ да соччото суох курдук. Манна икки батут, сыал ытар сир туруораннар, олус элбэх киhи мунньустар буолла. Дьон сибэккилээх газоннары илдьи тэпситэлээн эрэр. Түүннэри араас хампаанньалар мусталлар. Онно холоотоххо Ботаническай саадка кытаанах бэрээдэк олохтонон турар. Пиибэлээх, итирдэр утахтаах дьону харабыллар тутатына төттөрү утаараллар.

mir8

mir7

Туох да диэбит иһин, күөх сайын кэлэн, куораппыт биллэ киэркэйдэ. Куораппыт ырааhынан, тупсаҕай көстүүлээҕинэн чахчы киэн туттабыт. Ол эрээри, Мииринэй куорат устатын-туоратын тухары, сибэккинэн сиэдэрэйдик симэнэн олорор буолбатах. Куорат кииниттэн тэйдэххэ, кирдээх сир эрэ баhаам. Онон, хоммунаалынай сулууспалар, хас биирдии тэрилтэ, бу боппуруоска дьаныардаахтык үлэлииллэрэ сатанар.

Станислав Алексеев, Мииринэй куорат. Ааптар хаартыскалара.  

Тарҕат:

Ырытыыгын суруй

Защитный код
Обновить